टाटा सिएरा ईभी लन्च हुने मिति नजिकिँदै

टाटा मोटर्सको वहुप्रतिक्षित विद्युतीय एसयूभी सिएरा लन्च हुने मिति नजिकिँदै गएको छ । कम्पनीले यस वर्षको दोस्रो त्रैमासिकमा सिएरा ईभी लन्च गर्ने योजना बनाएको छ ।

ह्यारियर ईभी भन्दा तल रहने यस नयाँ एसयूभीले भारतमा हुन्डाई क्रेटा इलेक्ट्रिक, मारुती ई– भिटारा र महिन्द्रा बीई६ सँग प्रतिस्पर्धा गर्नेछ ।

सिएरा ईभी आईसीई सिएराकै डिजाइनमा आधारित रहनेछ । यसमा ब्ल्याङ्क–अफ फ्रन्ट फेसिया हुनेछ भने पूर्ण–चौडा एलईडी लाइट बारको साथ स्प्लिट हेडल्याम्प डिजाइन कायम रहनेछ ।

सिएरा ईभीको इन्टेरियर समेत आईसीई सिएराबाटै लिने अपेक्षा गरिएको छ । यसको तल्लो ट्रिममा डुअल डिस्प्ले र उच्च भेरिएन्टमा ट्रिपल–स्क्रिन सेटअप पाइनेछ ।

सो नयाँ ईभी सिंगल मोटर रियर–व्हिल ड्राइभ र डुअल–मोटर अल–व्हिल ड्राइभ कन्फिगरेसनमा उपलब्ध हुनेछ । धेरै ब्याट्री विकल्प उपलब्ध हुने सक्ने अनुमान गरिएको यस ईभी ब्याट्री–एज–ए–सर्भिस (बास) मोडलमा समेत उपलब्ध हुने अनुमान गरिएको छ ।