जुन ३० मा डेब्यू हुँदै टाटा सिएरा ईभी, यस्तो हुनेछ विशेषता

टाटा मोटर्सले यसै महिनाको ३० तारिखमा सिएरा ईभीको उत्पादन संस्करण डेब्यू गर्ने तयारी गरेको छ ।

कम्पनीले सिएराको आईसीई भर्सन भने यसअघिनै डेब्यू गरिसकेको छ । सो भर्सन डेब्यू गर्दा टाटा मोटर्सले यसको ईभी भर्सनको झलक समेत प्रस्तुत गरेको थियो । जसअनुसार, दुबै संस्करणको डिजाइन समान देखिए पनि, ईभीमा ब्ल्याङ्क अफ फ्रन्ट फेसिया र री–डिजाइन गरिएको फ्रन्ट बम्पर हुने अपेक्षा गरिएको छ । कारमा एरो अप्टिमाइज्ड एलोई ह्विल समेत उपलब्ध हुने अनुमान गरिएको छ ।

सिएरा ईभीको इन्टेरियरमा आईसीई संस्करणमा जस्तै ट्रिपल स्क्रिन लेआउट उपलब्ध हुने संभावना देखिएको छ । यसमा १०.२५ इन्चको डिजिटल इन्स्ट्रुमेन्ट क्लस्टर, १२.३ इन्चको सेन्ट्रल टचस्क्रिन र १२.३ इन्चको प्यासेन्जर स्क्रिन समावेश छन् ।

टाटाको एक्टि.ईभी+ आर्किटेक्चरमा तयार हुने यस एसयूभी सिंगल र डुअल मोटर कन्फिगरेसनमा उपलब्ध हुनेछ । साथै, यसम ६५ किलोवाट आवर र ७५ किलोवाट आवर क्षमताको ब्याट्री विकल्प पाइनेछ ।

सिएरालाई कम्पनीले आफ्नो लाइनअपमा कर्भ ईभी र ह्यारियर ईभीको बिचमा राख्ने जनाएको छ । सो एसयूभी नेपाली बजारका लागि समेत प्रतिक्षा गरिएको ईभी हो ।