२ बर्षमा ५० हजार यूनिट बिक्री भयो टाटा टियागो ईभी, नेपालमा पनि लोकप्रिय बन्दै

काठमाडौं–टाटा मोटर्सले आफ्नो इन्ट्रि लेभल कार टियागो ईभी ५० हजार यूनिट बिक्री भएको जनाएको छ ।

सेप्टेम्बर २०२२ मा लन्च गरिएको टियागो ईभी भारतमा सबैभन्दा छिटो बुक गरिएको ईभी थियो । यो कारले मात्र २४ घण्टामा १० हजारभन्दा बढी यूनिट बुकिङ प्राप्त गरेको थियो । यसैगरी, डेलिभरी सुरु गरेको ४ महिनामा १० भन्दा बढी र १७ महिनामा कुल ४० हजार युनिट टियागो ईभी बिक्री गरेको थियो ।

टियागो ईभीमा टाटाले १९.२ र २४ किलोवाट आवरको ब्याट्री विकल्प दिएको छ । ५५ किलोवाट मोटर जडान गरिएको ईभीलाई एपकटक फुल चार्ज गर्दा ३१५ किलोमिटरसम्म गुडाउन सकिने दाबी गरिएको छ ।

टियागो ईभी नेपाली बजारमा समेत उपलब्ध छ । नेपालमा यसको लङ रेन्ज भेरिएन्टमात्र उपलब्ध छ, जसको मूल्य २७ लाख ४९ हजारदेखी ३० लाखसम्म पर्छ । ईन्ट्रि लेभल कारमा रुची राख्ने नेपाली ईभी पारखीमाझ यो लोकप्रिय बनिरहेको छ ।