टाटा सिएराको बुकिङ १ लाख युनिट नाघ्यो, माग वढेपछि उत्पादनमा वृद्धि

टाटा मोटर्सले हालै लन्च गरेको नयाँ एसयूभी सिएराको बुकिङ १ लाख युनिट नाघेको छ । माग निरन्तर बढेपछि कम्पनीले यसको उत्पादन क्षमतालाई समेत बढाएको छ ।

टाटा मोटर्सका अनुसार, जनवरी २०२६ को मध्यदेखि हालसम्म १४ हजार भन्दा बढी एसयूभी डेलिभरी भइसकेका छन् । उत्पादन बढ्दै जाँदा डेलिभरी बढ्ने अपेक्षा गरिएको छ । हालकै उत्पादन क्षमतालाई आधार मान्दा एसयूभी बुकिङ गरेका ग्राहकले १८ महिनासम्म प्रतीक्षा गर्नुपर्ने देखिन्छ ।

नयाँ सिएरा स्मार्ट प्लस, प्योर, प्योर प्लस, एडभेन्चर र एडभेन्चर प्लस गरी कुल ५ भेरिएन्टमा उपलब्ध छ्, जसको मूल्य ११ लाख ४९ हजार भारुबाट सुरु हुन्छ ।

एसयूभीमा १.५ लिटर नेचुरल्ली एस्पिरेटेड पेट्रोल इन्जिन, १.५ लिटर डिजेल र १.५ लिटर टर्बो–पेट्रोल इन्जिन विकल्प प्रदान गरिएको छ । ट्रान्समिसनको कुरा गर्नुपर्दा नयाँ सिएरामा ६ स्पिड म्यानुअल, ६ स्पिड अटोमेटिक र ७ स्पिड डुअल क्लच अटोमेटिकको विकल्प पाउन सकिन्छ ।

टाटा सिएरा नेपाली बजारका लागि समेत प्रतीक्षा गरिएको एसयूभी हो । भारतीय बजारमै माग अत्यधिक भएका कारण यो एसयूभी तत्काल नेपाल आउने सम्भावना ज्यादै न्यून रहेको अनुमान गर्न सकिन्छ ।