टाटा सफारी, ह्यारियर र अल्ट्रोज पनि इलेक्ट्रिकमा, भोली अटो एक्सपोमा प्रदर्शन हुने

भोलीदेखी भारतमा अटो एक्सपो २०२३ शुरु हुँदैछ । एक हप्तासम्म चल्ने उक्त एक्सपोमा विभिन्न व्राण्डले नयाँनयाँ मोडलका कारलाई शोकेश गर्ने तयारी तिव्र वनाएका छन् । यसपटक मेलामा इलेक्ट्रिक भेइकलको प्रदर्शनीले उच्च महत्व पाउने देखिएको छ ।

यस्तोमा भारतको सवैभन्दा ठूलो इलेक्ट्रिक कार निर्माता टाटा मोटर्सले पनि आफ्नो कन्सेप्ट इभी देखी हाल कारोवार भइरहेका लोकप्रिय मोडलका इभी भर्सनलाई शोकेश गर्ने भएको छ । टाटाले हालै सफारी, ह्यारियर र अल्ट्रोज इभीको टिजर सार्वजनिक गरेर यसको संकेत दिइसकेको छ । जसका आधारमा भोली यी मोडलका इभी भर्सनलाई समेत एक्सपोमा देख्न पाइनेछ ।

कम्वस्चन इन्जिनमा कारोवार भइरहेका यी गाडीलाई टाटाले हाल प्रयोगमा आइरहेको जिपट्रोन इलेक्ट्रिक पावरट्रेनमा तयार गर्न लागेको हो । यो पावरट्रेनमा कम्पनीले यसअघि नेक्सन र टिगोर इभी ल्याइसकेको छ भने टियागो इभी समेत सार्वजनिक गरिसकेको छ ।

यी इभीको अतिरिक्त टाटाले अभिन्या र कर्भ कन्सेप्टलाई समेत उच्च महत्वका साथ प्रदर्शनीम राख्नेछ । यी दुई कन्सेप्ट मध्ये कर्भलाई उसले सेकेन्ड जेनेरशेन इभी आर्किटेक्चरमा तयार पार्न लागेको हो भने अभिन्यालाई थर्ड जेनेरशेन इभी आर्किटेक्चरमा । यी दुई कन्सेप्टलाई टाटाले २ वर्षपछि बजारमा ल्याउने यसअघि नै उद्घोष गरिसकेको छ ।