परिक्षणका क्रममा देखियो पंच फेसलिफ्ट, उत्पादनका लागि तयार हुँदै

टाटाले छिट्टै लन्च गर्ने तयारी गरिरहेको पन्च फेसलिफ्टको उत्पादन संस्करण बाहिर आएको छ । गाडीलाई पुरै छोपेर परिक्षण गर्दै गर्दा यसको स्पाई तस्विर बाहिर आएको हो ।

टाटा पंच ब्रान्डको लाइन–अपमा सबैभन्दा लोकप्रिय मोडेलहरू मध्ये एक हो । सब–कम्प्याक्ट एसयूभीले छिट्टै अपडेट प्राप्त गर्नेछ, जसमा डिजाइन र सुविधाहरू प्राथमिक फोकस हुनेछन् ।

अद्यावधिक गरिएको पंचमा केही कस्मेटिक परिवर्तनहरू हुने अपेक्षा गरिएको छ । पुनः डिजाइन गरिएको फ्रन्ट फेसिया र हालको संस्करण जस्तै स्प्लिट हेडल्याम्प सेटअप सहित कारमा धेरै परिवर्तन हुने अनुमान गरिएको छ । यद्यपी यसबारे कम्पनीले कुनै विवरण भने बाहिर ल्याएको छैन ।

पंच फेसलिफ्टको केन्द्रमा ठूलो टचस्क्रिन इन्फोटेनमेन्ट प्रणाली र डिजिटल इन्स्ट्रुमेन्ट क्लस्टरको साथ डुअल–टोन क्याबिन हुन सक्ने अनुमान गरिएको छ । कारमा टाटाको पछिल्लो टु–स्पोक स्टेयरिङ ह्वील समेत उपलब्ध हुनेछ ।

कारमा हालको १.२ लिटर पेट्रोल इन्जिनले नै निरन्तरता पाउनेछ । जसलाई, ५ स्पीड म्यानुअल अर्थात ५ स्पीड एएमटीसँग जोडिएको हुनेछ ।