टाटा गाडीको एक्सचेन्ज क्याम्प हुँदै, ग्राहकलाई आइपीएल हेर्न जाने मौका

काठमाडौं–टाटा मोटर्सको नेपालका लागि आधिकारिक बितरक सिप्रदी ट्रेडिङले नयाँ वर्ष २०८३ को अवसरमा ‘नयाँ वर्ष शुभ एक्सचेन्ज’ योजना सार्वजनिक गरेको छ ।

नयाँ वर्षको शुभ अवसरमा आफ्नो पुरानो गाडी एक्सचेन्ज गरेर टाटाको नयाँ गाडी लिन खोज्ने ग्राहकहरुलाई लछित गर्दै यहि चैत्र २७ देखी ३० गतेसम्म ‘नयाँ वर्ष शुभ एक्सचेन्ज’ क्याम्पको आयोजना गरिएको हो ।

उक्त क्याम्पमा टाटा कार खरिद गर्ने ग्राहकले लक्की ड्रमार्फत भारतमा टाटा आइपीएल प्रत्यक्ष हेर्न जाने मौका समेत पाउनेछन् । साथै आकर्षक नगद छुट, उत्कृष्ट एक्सचेन्ज भ्यालुएसन, निःशुल्क एक्सेसरिज, निःशुल्क वार्षिक सवारी कर, लाइफटाइम डिसी फास्ट चार्जिङ तथा होम चार्जिङ इन्स्टलेसन जस्ता विशेष लाभहरू समावेश भएको कम्पनीले जनाएको छ ।

नयाँ वर्षलाई अझ उत्साहपूर्ण बनाउँदै टाटा मोटर्सले ग्राहकहरूलाई आधुनिक, सुरक्षित र विश्वसनीय सवारी साधनसँगै अविस्मरणीय अनुभव दिने लक्ष्य लिएको छ ।