ह्यारियर ईभीको अर्को कठिन परीक्षण सफल, ब्यास नदी सफलतापूर्बक पार

टाटालै हालै लन्च गरेको नयाँ विद्युतीय एसयूभी ह्यारियरले अर्को कठिन परीक्षण पार गरेको छ । केही समयअघि केरलाको पहाड चढेर चर्चामा आएको ह्यारियरले यसपटक भने हिमाचल प्रदेशको ब्यास नदी सफलतापूर्वक पार गरेको छ । उक्त चुनौती पार गर्नु ह्यारियर ईभीका लागि ठूलो सफलता रहेको टाटा मोटर्सले जनाएको छ ।

टाटा मोटर्सले यस चुनौतीका लागि रेड बुलसँग सहकार्य गरेको थियो । सो परिक्षणका लागि पोङ बाँध परियोजनाबाट तलतिर नदीको फराकिलो भाग छनोट गरिएको थियो र मार्गलाई तीन खण्डमा विभाजन गरिएको थियो ।

पहिलो चरणमा ह्यारियर ईभीले गहिरो ब्याकवाटर भएको खण्डमा प्रवेश गर्नु अघि चट्टानी नदीको किनारसंग टकराव गर्नुपरेको थियो । कारलाई रेड बुल -याली चालक अब्दो फेघालीले चलाएका थिए ।

चुनौतीको लागि ह्यारियर ईभीको क्यूडब्लुडी डुअल–मोटर अल–ह्विल ड्राइभ भेरिएन्ट प्रयोग गरिएको थियो । जसमा, २३५ बिएचपी रियर–माउन्ट गरिएको पर्मानेन्ट म्याग्नेट सिंक्रोनस मोटर र अगाडिको एक्सललाई पावर गर्ने १५६ १६५ बिएचपी इन्डक्सन मोटर जडान गरिएको छ ।

७५ किलोवाट आवरको ब्याट्री प्याक जडान गरिएको ह्यारियर ईभीले ६२७ किलोमिटर रेन्ज दिने दाबी गरिएको छ ।