नयाँ इन्टेरियर सहित फिचर अपडेट भएर आयो टाटा कर्भ

टाटा मोटर्सले नयाँ फिचर सहित कर्भ र कर्भ ईभीलाई अपडेट गरेको छ । टाटाको सो कुपे एसयुभीमा अब थप आकर्षक र आरामदायी इन्टेरियर पाइनेछ ।

नयाँ टाटा कर्भमा ललितपुर ग्रे भनिने हल्का रंगको इन्टेरियर थिम रहेको छ । कारमा बेनेके–कालिको लेदररेट अपहोल्स्ट्री र सेतो कार्बन फाइबर ड्यासबोर्ड इन्सर्ट दिइएको छ ।

साथै, कर्भमा अब पछाडि सिटमा यात्रा गर्ने प्यासेन्जरका लागि समेत आर्मरेस्ट, सनशेड, भेन्टिलेटेड सिट र डुअल–जोन अटोमेटिक क्लाइमेट कन्ट्रोल जस्ता सुबिधा थप गरिएको छ । यसको ईभी भर्सनमा पछाडि बस्ने यात्रुका लागि फुटरेस्ट र एर्गोविंग हेडरेस्ट उपलब्ध गराइएको छ ।

कर्भ १.२ लिटर डाइरेक्ट इन्जेक्शन टर्बो–पेट्रोल, १.२ लिटर टर्बो पेट्रोल र १.५ लिटर डिजेल इन्जिन अप्सनमा उपलब्ध रहँदै आएको छ । कारमा म्यानुअल र अटोमेटिक ट्रान्समिसनको विकल्प पाउन सकिन्छ । यसको ईभी भर्सन भने ४५ किलोवाट आवर र ५५ किलोवाट आवर ब्याट्री प्याकमा उपलब्ध छ ।