टाटा अल्ट्रोजमा ठूलो टचस्क्रिनसहित ६ एयरब्याग समावेश हुने

टाटा मोटर्सले छिट्टै अल्ट्रोज प्रिमियम ह्याचब्याक कार लन्च गर्ने भएको छ । अल्ट्रोज रेसर एक्सजेड लक्स, एक्सजेड प्लस एक्स र एक्सजेड प्लस लक्स डार्क गरी ३ भेरिएन्टमा उपलब्ध हुनेछ ।

टाटा अल्ट्रोज रेसरमा १०.२५ इन्च टचस्क्रिन इन्फोटेनमेन्ट सिस्टम समावेश गरिएको छ । यद्यपि, ठूलो स्क्रिन नयाँ एक्सजेड लक्स भेरिएन्टबाट सुरु गरी उच्च भेरिएन्टमा मात्र सीमित हुनेछ । तल्लो र मध्य–स्तर भेरिएन्टमा ७ इन्च टचस्क्रिन समावेश गरिएको छ । साथै सबै भेरिएन्टमा लेदरेट सिट हटाइएको छ ।

कम्पनीले अल्ट्रोज एक्सजेड लक्स भेरिएन्टमा ब्लाइन्ड भ्यू मोनिटरसहितको ३६० डिग्री क्यामेरा पनि उपलब्ध गराएको छ । साथै नयाँ एक्सजेड प्लस एस लक्स भेरिएन्टमा ६ वटा एयरब्याग र नयाँ ७ इन्चको टीएफटी इन्स्ट्रयुमेन्ट क्लस्टर पनि उपलब्ध गराइएको छ ।

नयाँ अल्ट्रोजमा १.२ लिटर पेट्रोल, १.२ लिटर पेट्रोल + सीएनजी र १.५ लिटर डिजेल इन्जिन विकल्प समावेश गरिएको छ । यसमा १.२ लिटर टर्बो–पेट्रोल इन्जिन विकल्पको रुपमा उपलब्ध हुनेछ । सो इन्जिनले १२० एचपी र १७० एनएमको टर्क जेनेरेट गर्छ ।

यसमा ६ स्पिड म्यानुअल गियरबक्सको साथ उपलब्ध हुनेछ । टाटा अल्ट्रोज रेसरले बजारमा हुन्डाई आई२० एन र मारुती फ्रोङ्क्ससँग प्रतिस्पर्धा गर्नेछ ।