भारतको सबैभन्दा तीव्र गतिको ह्याचब्याक कार बन्यो टाटा अल्ट्रोज रेसर

टाटा अल्ट्रोज रेसर भारतको सबैभन्दा छिटो ह्याचब्याक कार बनेको छ । यो उपलब्धि हासिल गर्न कारले कोस्ट रेसिङ ट्रयाकमा २:२१:७४ मिनेटमा ल्याप पूरा गरी इन्डिया बुक अफ रेकर्डमा आफ्नो नाम दर्ता गराएको छ । उक्त ल्यापमा अल्ट्रोज रेसरले हुन्डाईको आई२० इनलाइन र मारुती सुजुकी फ्रन्टलाई पछाडि पारेको छ ।

यो परीक्षण ५ जुन २०२४ मा गरिएको थियो । टाटा अल्ट्रोजले प्रिमियम ह्याचब्याक अल्ट्रोज​​को स्पोर्टी संस्करणको रेसर ९ लाख ४९ हजार भारुमा लन्च गरेको थियो । यसमा भेन्टिलेटेड सिटसहितको पहिलो भारतीय ह्याचब्याक, ३६०-डिग्री क्यामेरा भएको पहिलो कार र ५ स्टार क्र्यास रेटिङ प्राप्त गर्ने भारतको एक मात्र स्पोर्टी ह्याचब्याक समावेश छ।

अल्ट्रोज​​मा ११० एचपी पावरको १.२ लिटर रेभोट्रोन टर्बो पेट्रोल इन्जिन र १.२ लिटर टर्बो पेट्रोल इन्जिन समावेश छ, जसले १० एचपी पावर र ३० एनएम टर्क जेनेरेट गर्छ । नियमित अल्ट्रोजको तुलनामा स्पोर्टी भर्सनमा ६ स्पिड म्यानुअल गियरबक्स र ७ स्पिड ड्युअल क्लच अटोमेटिक ट्रान्समिसनको विकल्प उपलब्ध छ । टाटा अल्ट्रोजको एक्सटेरियरलाई स्पोर्टी अनुभूति दिनको लागि नियमित अल्ट्रोज ​​भन्दा धेरै स्टाइलिङ एलिमेन्ट दिइएको छ।

अल्ट्रोज रेसरमा १६ इन्चको ड्युअल टोन अलोय ह्विल समावेश छ । अल्ट्रोज रेसरको क्याबिनमा स्पोर्टी इन्टेरियर डिजाइन दिइएको छ । यसमा १०.२५ इन्चको टचस्क्रिन, वायरलेस एन्ड्रोइड अटो र एप्पल कारप्ले, नयाँ ७ इन्चको डिजिटल ड्राइभर डिस्प्ले, भेन्टिलेटेड फ्रन्ट सिट, हेड्स अप डिस्प्ले, भ्वाइस कमाण्ड सनरुफ, अटोमेटिक क्लाइमेट कन्ट्रोल र वायरलेस फोन चार्जिङ जस्ता फिचर समावेश छ ।

सेफ्टीका लागि यसमा ६ एयरब्याग, ३६० डिग्री क्यामेरा, क्रुज कन्ट्रोल, पार्किङ सेन्सर, टायर प्रेसर मोनिटरिङ सिस्टम, चाइल्ड आईसोफिक्स एङकर सिट, इलेक्ट्रोनिक स्ट्याबिलिटी कन्ट्रोल, हिल असिस्ट कन्ट्रोल र सबैका लागि सिट बेल्ट रहेको छ ।