टारो ब्रान्डको बाइक अब ८० हजार कम मूल्यमा उपलब्ध

काठमाडौं – नेपालमा टारो ब्रान्डका बाइक बिक्री गरिरहेको ओम मोटोकर्प प्रालिले नेपाली बजारमा उपलब्ध २ मोडलका बाइकको मूल्य घटाएको छ ।

टारोका दुई मोडल जीपी २ २०० र जीपी १ २५० को मूल्य घटाएको हो । जीपी २ २०० को मूल्य पहिले ५ लाख ५५ हजार भएकोमा अब घटाएर ४ लाख ७५ हजार रुपैंयाँ कायम गरिएको छ । यसमा ८० हजार रुपैंया मूल्य कम गरिएको हो ।

त्यसैगरी जीपी १ २५० को मूल्य ६ लाख ७० हजारबाट ६ लाख रुपैयाँ कायम गरिएको छ । यसमा ७० हजार रुपैंया मूल्य कम गरिएको छ ।

सरकारले हालै सार्वजनिक गरेको बजेट मार्फत २०० सीसी भन्दा माथिका दुई पांग्रे सवारी साधनमा पहिले भन्दा केही सहुलियत भएका कारण टारोले पनि मूल्य समायोजन गरेको जानकारी दिएको छ ।

इटालियन डिजाइनमा निर्मित टारोका बाइकहरु युवावर्गहरुले अत्यधिक मन पराएको स्पोर्ट्स सेगमेन्ट अन्तर्गतका बाइकहरु हुन् । नेपाल भित्रिएको टारो ब्रान्डका बाइकसँगै १५० सीसीका अन्य दुई स्कुटरका मोडलहरु पनि उपलब्ध छन् इमोला १५० र टी९ १५० ईएफआई ।

हाल नेपाली ग्राहकद्वारा कार्यक्षमता र डिजाइन दुवै पाटोमा मन पराइएका यस ब्राण्डका प्रचलित स्कुटरहरु हुन् । एक्सचेन्ज तथा फाइनान्स दुवैको सुविधा सहित उपलब्ध टारोका बाइक तथा स्कुटर भविष्यमा अझ वढी परिमार्जित हुँदै ल्याइने र अझ वढी सेवा र सुविधाका साथ नेपाली बजारमा उपलब्ध हुने जानकारी कम्पनीले दिएको छ ।

हाल उपत्यकाभित्र कम्पनीको थ्रीएस सुविधाको साथ नक्साल, टेकु र धोबिघाट शोरुमबाट टारोको बाइक खरिद गर्न सकिनेछ भने उपत्यका बाहिर इटहरी, हेटौंडा र पोखरामा पनि थ्रीएस सुविधाको साथमा बाइक उपलब्ध रहेको छ ।