ललितपुरको ग्वार्कोमा खुल्यो भीजी सुजुकीको नयाँ शोरुम

काठमाडौं – नेपालका लागि सुजुकी दुईपांग्रे सवारी साधनको आधिकारिक वितरक भीजी अटोमोबाइल्स प्रालिले ललितपुर जिल्लाको ग्वार्कोस्थित गुण सिनेमा हल अगाडि नयाँ शोरुमको भव्य उदघाटन गरेको छ ।

भीजी अटोमोबाइल्सका महाप्रबन्धक पारस जैनले उक्त शोरुमको उदघाटन गरे । सञ्चार माध्यमका प्रतिनिधि, सामाजिक सञ्जालका प्रभावशाली व्यक्तिहरु, भ्लगरहरु र अटोमोबाइल क्षेत्रका विभिन्न व्यक्तिहरुको उपस्थितिमा उक्त शोरुमको उदघाटन गरिएको कम्पनीको भनाइ छ ।

सुजुकीको नयाँ शोरुमको भ्रमण गरी विभिन्न अफर र नेपाली बजारमा उपलब्ध नयाँ मोडल वारे जानकारी लिन कम्पनीले अनुरोध गरेको छ ।

भीजी अटोमोबाइल्सले उदघाटन अफरको रुपमा छानिएका मोडलहरुमा ५० हजार मूल्य बराबरको थप एक्सचेन्ज मूल्यांकन समेत उपलब्ध गराएको छ । यो मूल्यांकन बाइक कम्पनीहरुले यसरी दिने मूल्यांकनमा हाल सम्मकै सबैभन्दा बढी मूल्यांकन हो ।