सुजुकी ई–भिटाराको फिचर सार्बजनिक, १० वटा कलरमा छान्न पाइने

मारुती सुजुकीले आफ्नो बहुप्रतिक्षित ईभी ई–भिटाराको फिचर र कलर अप्सन सार्बजनिक गरेको छ । यसै वर्षको अन्त्यसम्म लन्च हुने अनुमान गरिएको सो नयाँ ईभी १० वटा कलर अप्सनमा उपलब्ध हुने जनाईएको छ ।

ई–भिटारमा डीआरएलसहितको एलईडी हेडलाइट, १८ इन्चको एलोय ह्वील र एरोडायनामिक पर्फमेन्सका लागि सक्रिय एयर भेन्टहरू समावेश हुने उल्लेख गरिएको छ ।

इन्टेरियरको कुरा गर्नुपर्दा यसमा, वायरलेस एन्ड्रोइड अटो र एप्पल कारप्लेको साथ १०.१ इन्च टचस्क्रिन इन्फोटेनमेन्ट सिस्टम, १०.२५ इन्चको डिजिटल इन्स्ट्रुमेन्ट क्लस्टर, वायरलेस चार्जर, पानोरामिक सनरुफ, अटोमेटिक क्लाइमेट कन्ट्रोल र हरमन साउन्ड सिस्टम जस्ता सुविधाहरू उपलब्ध हुनेछ ।

इन–कार कनेक्टिभिटी टेकको साथ ई-भिटाराले १०–वे पावर एडजस्टेबल ड्राइभर सिट, रिक्लाइनिङ र स्लाइडिङ रियर सिट तथा एयर प्युरिफायरसहित भेन्टिलेटेड फ्रन्ट सिटहरू पनि पाउने जनाइएको छ ।

सुरक्षका लागि यसमा ७ वटा एयरब्याग, टायर प्रेसर मोनिटरिङ सिस्टम, ३६०–डिग्री क्यामेरा, रियर डिस्क ब्रेक, अटो–होल्ड भएको इलेक्ट्रोनिक पार्किङ ब्रेक, ब्लाइन्ड स्पट मोनिटर र लेभल २ एडास फिचर समावेश हुनेछन् ।