सुजुकी कार अब ७.४९ प्रतिशत ब्याजदरमा किन्न पाइने, नबिल बैंकले फाइनान्सिङ गर्ने

काठमाडौं – सुजुकी गाडीको आधिकारिक वितरक सिजी मोटोकर्पले नबिल बैंकसँगको सहकार्यमा सस्तो ब्याजदरमा कार किन्न सकिने अफर सार्वजनिक गरेको छ । सजुकीका कुनैपनि कार खरिद गर्दा ७.४९ प्रतिशत ब्याजदर लाग्ने कम्पनीले बताएको छ ।

५ बर्षसम्म ब्याजदर परिवर्तन नहुने उक्त लोनको अवधि ५ वर्षको हुनेछ । व्यक्तिको नाममा कार खरिद गर्दा ५० प्रतिशत र व्यवसायको नाममा खरिद गर्दा ७० प्रतिशतसम्म फाइनान्सिङ गरिने कम्पनी स्रोतको भनाइ छ ।

सुजुकीले ल्याएको यो अफर अन्य प्रतिस्पर्धी कम्पनीको तुलनामा सरल र सस्तो हो । हाल अधिकांश ब्रान्डका सवारी साधन खरिद गर्दा ८ देखि १० प्रतिशतसम्मको ब्याजदर लाग्दै आएको छ ।

यो अफर यसै महिनाको अन्तिमसम्म मात्र लागू हुने बताइएको छ ।