नक्साल गैरीधारामा खुल्यो सुपर सोकोको नयाँ शोरुम

काठमाडौं – सुपर सोको इलेक्ट्रिक बाइक तथा स्कुटरको नेपालका लागि आधिकारिक वितरक डी-लाइफस्टाइलले नक्साल गैरीधारामा नयाँ शोरुम संचालनमा ल्याएको छ ।

इलेक्ट्रिक सवारी साधनमा बढ्दै गएको आकर्षणलाई मध्यनजर गरी नयाँ शोरुम संचालनमा ल्याइएको कम्पनीको भनाइ छ ।

यसअघि कम्पनीले काठमाडौंको लाजिम्पाट, ग्वार्को, वीरगन्ज, इनरुवा, इटहरी, बुटवल लगायतका स्थानमा सुपर सोकोको शोरुम संचालन गर्दै आएको छ ।

नेपाली बजारमा सीयु मिनी, सीयुएक्स र सीपीएक्स गरी ३ मोडलका इलेक्ट्रिक स्कुटर र टीसी, टीसी वन्डरर, टीसी स्ट्रिट हन्टर र टीसी म्याक्स गरी ४ मोडलका इलेक्ट्रिक बाइक उपलब्ध छन् । इलेक्ट्रिक स्कुटरको मूल्य १ लाख ९० हजार देखि ७ लाख रुपैयाँ सम्म र मोटरसाइकलको मूल्य ३ लाख देखि ५ लाख रुपैयाँसम्म छ ।