सुनराको नयाँ इलेक्ट्रिक स्कुटर नेपालमा, मूल्य १ लाख ८९ हजार

काठमाडौं – सुनराको नयाँ इलेक्ट्रिक स्कुटर नेपाली बजारमा उपलब्ध भएको छ । केही समय देखि परीक्षणको क्रममा रहेको सो स्कुटर अब बिक्रीका लागि समेत उपलब्ध हुनेछ ।

नेपालका लागि सुनराको आधिकारिक वितरक केटीएम इन्टरनेसनल ट्रेडिङ प्रालिले सुनरा के५ ३.० स्कुटर उपलब्ध गराएको हो । यसमा २ हजार वाटको मोटर रहेको छ भने छ भने ४ हजार वाट पिक पावर रहेको छ । यसमा ७२ भोल्ट ३५ एएचको ग्राफिन ब्याट्री रहेको छ । यसले सिंगल चार्जमा ११० किलोमिटर सम्म चलाउन सकिने कम्पनीको भनाइ छ ।

७० किलोमिटर प्रतिघण्टा सम्मको गतिमा कुुदाउन सकिने सुनरा के५ ३.० को ह्विलबेस १३५० एमएम छ भने दुवै पांग्रामा सीबीएस सहितको डिस्क ब्रेक रहेको छ ।

सो स्कुटरको मूल्य १ लाख ८९ हजार रुपैयाँ तोकिएको छ ।

केटीएम इन्टरनेसनलले पहिले देखि नै नेपाली बजारमा सुनराका दुई मोडल रोबो एस र हक समेत बिक्री गरिरहेको छ ।