स्पोर्ट्स कार संसारमा तरंग ल्याइरहेकी नादिया

नादिया खार पाकिस्तानी मुलकी युट्युबर, सोसल मिडिया इन्फ्लुएन्सर र मोडल हुन् । हाल उनी अमेरिकाको लास भेगासमा बस्छिन् । उनी आफ्नो लुक र फिगरका कारण चर्चित छिन् । इन्स्टाग्राममा मात्र उनका १० लाख फलोअर छन् ।

उनी सानै देखि कारको मेकानिकल र हाई स्पिड ड्राइभिङको थ्रिलबाट प्रभावित थिइन् । पहिले देखि कारको इन्जिन बारेमा चासो राख्ने नादियाले ल्याम्बोर्गिनी देखि फेरारी सम्म विश्वका आइकनिक कार ड्राइभ गरिसकेकी छिन् ।

उनी फियरलेस ड्राइभरको रुपमा समेत चर्चित छन् । विजेता बन्नका लागि उनी विशेष रुपमा ड्राइभ गर्छिन् । उनी विश्वका ड्राइभरहरुका लागि रोल मोडल बनेकी छिन् ।

सुरुवातमा मेकअप आर्टिस्ट र मोडलबाट करियर प्रारम्भ गरेकी नादियाले सन् २०१८ को मार्च देखि सोसल मिडियामा आफ्नो करियर शुरु गरिन् ।

नादियाले विभिन्न ब्रान्डका कार ड्राइभ गरेको भिडियो समेत सार्वजनिक गर्छिन् । उनीसँग जीटीआर, आउडी लगायतका धेरै कार छन् । त्यसैगरी बाइकमा समेत उनको शौख छ ।