हिरो मोटोकर्पले पुरा ग-यो १० वर्ष, आयो विभिन्न छुटको अफर

काठमाडौं – मोटरसाइकल तथा स्कुटर निर्माता कम्पनी हिरो मोटोकर्पले स्थापनाको १० औं वर्ष पूरा गरेको छ । वार्षिकोत्सव अवसरमा नेपालका लागि हिरो मोटरसाइकल र स्कुटरको आधिकारिक बिक्रेता नेपाल जनरल मार्केटिङ प्रालिले ग्राहकसँग खुसीयाली बाँड्न विशेष योजना ल्याएको छ ।

योजनाअन्तर्गत हिरोको कुनै पनि मोटरसाइकल वा स्कुटर खरिदमा ग्राहकले ५ हजार रुपैयाँ छुट पाउनेछन् । कम्पनीका अनुसार सर्भिसिङमा ५० प्रतिशत छुटका साथै स्पेयर पार्ट्समा १० प्रतिशत छुटको सुविधा पाउने छन् भने वासिङ निःशुल्क उपलब्ध हुनेछ ।

पहिले हिरो र होन्डा एउटै कम्पनी भएकोमा सन् २०११ को जुलाई २९ मा हिरो मोटोकर्प छुट्टै कम्पनीको रुपमा दर्ता भएको थियो । त्यस पश्चात होन्डा र हिरोले छुट्टै ब्रान्डमा मोटरसाइकल र स्कुटर उत्पादन थालेका थिए ।