हिउँमा यात्रा गर्दा यी कुरामा दिनुस् ध्यान

हिउँदमा कम भिजिबिलिटी कुहिरो, हिउँ पर्ने अवस्था र चिप्लो सडकको कारण हिउँमा ड्राइभिङ गर्दा दुर्घटना हुने सम्भावना बढि हुन्छ । जाडो मौसममा ड्राइभ गर्दा विशेष ख्याल राख्नुपर्छ ।

जाडो मौसममा यात्रामा जानुअघि कारको सर्भिसिङ गराउनुपर्छ साथै कारको बत्ती, ब्याट्री जस्ता अन्य पार्टस्को राम्ररी सर्भिस गराउनु पर्छ ।

हिउँ परेको क्षेत्रमा कार चलाउनु फरक अनुभव भए तापनि सवारी चलाउँदा केही सावधानी अपनाउनुपर्छ । यस्ता क्षेत्रमा सधैं बिस्तारै गाडी चलाउनु पर्छ । हिउँ जमेको ठाउँमा खाल्डाखुल्डी नदेखिने हुनाले दुर्घटना हुने सम्भावना बढ्छ ।

जाडोमा ड्राइभिङ गर्दा विन्डशिल्ड र झ्यालमा कुहिरो जम्मा हुने र दुर्घटनाको सम्भावना बढ्ने हुनाले कारको भिजिबिलिटी बढाउन समय समयमा झ्याल र विन्डशिल्डको भित्र र बाहिर सफा गर्नुपर्छ ।