स्मार्ट लाइसेन्स छाप्ने मास प्रिन्टर खरिद गर्न आह्वान गरेको टेन्डर प्राविधिक त्रृटि देखाउदै रद्ध

यातायात व्यवस्था विभागले स्मार्ट लाइसेन्स छाप्ने मास प्रिन्टर खरिद गर्न आह्वावन गरेको टेन्डर प्राविधिक त्रृटि देखाउदै रद्ध गरेको छ । यससंगै द्रुत गतीमा छाप्नुपर्ने लाइसेन्सको विषय पुन अन्योलग्रस्त वनेको छ ।

विभागले एक महिना अगाडि स्मार्ट लाइसेन्स छाप्नका लागि आवश्यक पर्ने मास प्रिन्टर खरिदको टेन्डर आह्वान गरेको थियो । तर त्यसको ठिक एक महिनापछि विभागले यस टेन्डरमा आवेदन दिन समस्या रहेको भन्दै टेन्डर रद्ध गरिएको जनाएको छ ।

विभागले टेन्डर आह्वान गरिएको १ महिनापछि मात्र उक्त टेन्डरमा प्राविधिक त्रृटि रहेको थाहा पाएको हो । विभागका अनुसार यस टेन्डरमा प्राविधिक त्रृटि देखिएका कारण टेन्डर रद्ध गरिएको हो ।

विभागका अनुसार यसका लागि सरकारले १० करोड बजेट विनियोजन गरेको छ । हाललाई एउटा मात्र मास प्रिन्टर खरिद गर्न उक्त टेन्डर आह्वान गरिएको थियो ।

ठेक्कामा अन्तर्राष्ट्रिय तथा नेपाली जेभी कम्पनीले सहभागिता हुन सक्ने व्यवस्था गरिएको थियो । ठेक्कामा सहभागी कम्पनीहरुले सेक्युरिटीका लागि २३ लाख रुपैयाँ राख्नुपर्ने हुन्छ ।

ठेक्का पाउने कम्पनीले सम्झौता भएको मितिले ३ महिनाभित्र मास प्रिन्टर विभागमा आपूर्ति गर्नुपर्ने थियो । कम्पनीले यो मेसिन इन्स्टलदेखि सबै सफ्टवेयरको काम पनि गर्नुपर्ने विभागले जनाएको छ ।