मूल्य घटेर आयो स्मार्ट–१ को २०२४ मोडल, यस्तो छ नेपाल आउने तयारीमा रहेको नयाँ एसयूभी

काठमाडौं– सीजी मोटर्सले नेपाल ल्याउने तयारी गरेको स्मार्ट–१ को २०२४ मोडल चीनमा लन्च भएको छ । सेप्टेम्वर २४ मा लन्च गरिएको सो नयाँ इलेक्ट्रिक सबकम्प्याक्ट एसयूभी प्रो प्लस र प्रिमियम गरी दुई भेरिएन्टमा आएको हो । जसको मूल्य २७ हजार ८०० र ३१ हजार ४०० डलर तोकिएको छ । कम्पनीले यसको नयाँ मोडललाई पुरानोको तुलनमा १ हजार २ सय र १ हजार ७ सय डलर कम गरेर ल्याएको हो ।

यो नयाँ मोडलमा यसअघिकै डिजाइनलाई निरन्तरता दिइएको छ । जहाँ त्रिकोणात्मक हेडलाईट, सस्पेन्डेड रुफ डिजाइन, हिडन डोर ह्यान्डल र फ्रेमलेस डोर पाउन सकिन्छ । यो एसयूभी ४२७० एमएम लामो, १८२२ एमएम चौडा, १६३६ एमएम अग्लो छ भने ह्विलवेश २७५० एमएम छ । प्रिमियम भेरिएन्टमा १९ इन्च र प्रो प्लसमा १८ इन्चको ह्विल दिइएको छ ।

यसको इन्टेरियर लेआउट टी आकारमा निकै आकर्षक देखिएको छ । जहाँ १२.८ इन्चको सेन्ट्रल कन्ट्रोल स्क्रिन, ९.२ इन्चको एलसीडी इन्स्ट्रयुमेन्ट प्यानल र वायरलेस चार्जिङ लगायत सुविधा दिइएको छ । स्मार्ट–१ मा कम्पनीले लेभल २ एडिएएस सिस्टम, ओटिए अपडेट, ब्लुटुथ, सेकेन्ड रोमा पनि इलेक्ट्रोनिकल्लि एड्जस्टेवल सिट र पावर ट्रंक उपलब्ध गराएको छ ।

यसमा ६६ किलोवाट आवरको लिथियम ब्याट्री प्याक र रियरमा २०० किलोवाटको मोटर जडान गरिएको छ । जसको टर्क ३४३ एनएम छ भने सून्यदेखी १०० किलोमिटरसम्मको गति पकड्न यसलाई जम्मा ६.७ सेकेन्ड लाग्छ ।

एसी चार्जरको साहयतामा ७.५ घन्टामा फुल चार्ज गर्न सकिने यसको ब्याट्रीलाई डिसी फास्ट चार्जरले भने जम्मा ३० मिनेटमै ३० देखी ८० प्रतिशतसम्म चार्ज गर्न सकिन्छ । यसको प्रो प्लसले ५३५ किलोमिटर र प्रिमियमले ५६० किलोमिटर रेन्ज दिने सिएलटीसीले दावी गरेको छ ।