प्रि–बुकिङ सहित स्कोडा कुशाक फेसलिफ्ट सार्वजनिक

स्कोडाले आफ्नो लोकप्रिय एसयूभी कुशाकको फेसलिफ्ट भर्सन सार्वजनिक गरेको छ । कम्पनीले यसको प्रि–बुकिङ समेत खुला गरेको छ भने बिक्रीका लागि मार्च महिनादेखि उपलब्ध हुने जनाइएको छ ।

स्कोडाले कुशाकमा धेरै कस्मेटिक परिवर्तनहरू गरेको छ । एसयूभीमा सेग्मेन्टेड एलईडी लाइट बारको साथ पुनः डिजाइन गरिएको ग्रिल जाडन गरिएको छ । अगाडिको बम्परलाई नयाँ स्किड प्लेटको साथ रि–वर्क गरिएको छ ।

एसयूभीको पछाडि ’स्कोडा’ अक्षरको साथ एलईडी लाइट बारद्वारा जोडिएको नयाँ एलईडी टेलल्याम्प क्लस्टरलाई रिफ्रेस गरिएको छ । भित्री लेआउटमा धेरै परिवर्तन नभए पनि, एसयूभीमा गुगल जेमिनी एआई सहायकको साथ नयाँ १०.१ इन्च टचस्क्रिन इन्फोटेनमेन्ट प्रणाली, १०.२५ इन्च डिजिटल इन्स्ट्रयुमेन्ट क्लस्टर र मसाज फंक्सन भएको रियर सिट दिइएको छ ।

अन्य सुविधाहरूमा प्यानोरामिक सनरुफ, एम्बियन्ट लाइटिङ, ६ तवरले एड्जस्ट गर्न सकिने अटोमेटिक तथा भेन्टिलेटेड फ्रन्ट सिट, पार्किङ सेन्सर, अटोमेटिक क्लाइमेट कन्ट्रोल, वायरलेस चार्जर र वायरलेस एन्ड्रोइड अटो एवं एप्पल कारप्ले जस्ता फिचर समावेश गरिएको छ ।

एसयूभीमा १.० लिटर टर्बो–पेट्रोल इन्जिन जडान गरिएको छ, जुन ६–स्पिड म्यानुअल अर्थात नयाँ ८ स्पिड अटोमेटिक ट्रान्समिसनसँग उपलब्ध छ । कुशाक फेसलिफ्टको टप भेरिएन्टमा १.५ लिटर टर्बो पेट्रोल इन्जिन विकल्प दिइएकाे छ भने ७ स्पिड डुअल क्लच अटोमेटिक गियरबक्स जडान गरिएको छ ।

सुरक्षाका लागि यसमा ६ वटा एयरब्याग, ईबीडी सहितको एबीएस, ट्रयाक्सन कन्ट्रोल, हिल होल्ड असिस्ट, रेन–सेन्सिङ वाइपर, अटो–डिमिङ आइआरभीएम र सबै चक्कामा डिस्क ब्रेक दिइएको छ ।