तयार हुँदै कुशाक फेसलिफ्ट, पछाडिको सिटमा पनि मसाज फंक्सन हुने

काठमाडौं–स्कोडाले आफ्नो सर्बाधिक सफल मोडल कुशाकको फेसलिफ्ट भर्सन लन्च गर्ने तयारी गरेको छ । जनवरी २०२६ मा लन्च हुने अपेक्षा गरिएको सो एसयूभीमा केही सेग्मेन्ट फर्स्ट फिचर समेत उपलब्ध हुने जनाइएको छ । जसमध्ये रियर सिटमा समेत मसाज फंक्सन एक हुनेछ ।

कुशाक फेसलिफ्टको एक्सटेरियरमा समेत अपडेट हुने र पावरट्रेनमा नयाँ विकल्प थपिने स्कोडा इण्डियाको भनाई छ । कम्पनीले यसमा नयाँ अटोमेटिक गियरवक्स जडान गर्ने सम्भावना देखिएको छ । हाल उपलब्ध ६ स्पिड अटोमेटिक गियरवक्सलाई विस्थापन गरी नयाँ ८ स्पिड टर्क कन्भर्टर युनिट राखिने सम्भावना देखिएको हो ।

फिचरको कुरा गर्नुपर्दा सो नयाँ भर्सनमा स्कोडाले पानारोमिक सनरुफ, पछाडिको चक्कामा समेत डिस्क ब्रेक र नयाँ ग्राफिक्स सहितको स्क्रिन उपलब्ध हुनेछ । साथै, यसमा लेभल–टु एडास र ३६० डिग्री क्यामेरा समेत उपलब्ध हुने अनुमान गरिएको छ ।

एसयूभी १.० लिटर टर्बो पेट्रोल, १.५ लिटर टर्बो पेट्रोल र १.५ लिटर टीएसआई इन्जिनमा उपलब्ध हुनेछ । एकदमै प्रतिस्पर्धात्मक सेग्मेन्टमा आउँदै गरेको कुशाक फेसलिफ्टले हुन्डाई क्रेटा, टाटा सिएरा, किया सेल्टोस र सुजुकी ग्रान्ड भिटारा लगायत एसयूभीसंग प्रतिस्पर्धा गर्नुपर्ने छ ।