स्कोडाको ‘कम्प्लिट पिस अफ माइन्ड विथ युरोपियन अश्योरेन्स’, यसरी लिन सकिन्छ स्कोडा कुशाक

काठमाडौं – नेपालको लागि एमएडब्ल्यु इन्टरप्राइजेज प्रालिले ‘कम्प्लिट पिस अफ
माइन्ड विथ युरोपियन अश्योरेन्स’ घोषणा गरेको छ । यस योजना अन्तर्गत ग्राहकहरूले १० लाख रुपैयाँ मात्र डाउन पेमेन्टमा स्कोडा कुशाकको स्वामित्व लिन सक्नेछन् । यसैगरी गाडीको २ वर्षको निःशुल्क आवधिक सर्भिसिङ पाउनेछन् ।

एमएडब्ल्यु इन्टरप्राइजेजका कार्यकारी निर्देशक रौनक अग्रवालका अनुसार नयाँ योजना सबै ग्राहकहरूलाई विशेष गरी एसयूभी खण्डहरूमा प्रवेश गर्न चाहनेहरूलाई फाइदा पुग्ने गरी डिजाइन गरिएको हो ।

सो योजना अनुसार ग्राहकहरूले आफ्नो सवारी साधनको वार्षिक सर्भिसिङको क्रममा कुनै शुल्क तिर्नु पर्दैन)। स्कोडा कुशाकलाई ७ वर्षको लागि ७० प्रतिशत ऋणमा फाइनान्स सुविधा उपलब्ध हुनेछ ।

कुनै ऋण प्रशोधन शुल्क बिना स्कोडा कुशाक खरिद गर्न सकिने छ । ग्राहकले आफ्नो पुरानो कार स्कोडा कुशाकको लागि ठाउँको ठाउँमै साट्न सक्नेछन्, जसलाई डाउन पेमेन्ट मानिनेछ ।

त्यसैगरी ग्राहकले स्कोडा कुशाकसँग निःशुल्क एसेसरिज पनि पाउनेछन् ।

स्कोडा कुशाक नेपालमा तीन फरक भेरिएन्टमा उपलब्ध छः एक्टिभ, एम्बिसन र स्टाइल । यसमा अवार्ड–विजेता नयाँ टीएसआई प्रविधि सहितको १.० लिटर इन्जिन छ जसले ११५ पीएस र १७८ एनएम टर्क उत्पादन गर्छ ।

स्कोडा गाडीहरू निर्माण गुणस्तर, ड्राइभिङको आनन्द, आराम, सुरक्षा र प्रदर्शनका लागि परिचित छन् । चेक गाडी निर्माताका यी पक्षहरूलाई नेपाली बजारले मन पराएको र यी सबै पक्षहरूले स्कोडा कुशाकलाई देशकै सबैभन्दा प्रिय गाडीहरूमध्ये एक बनाएको कम्पनीको भनाइ छ ।