४०० किलोमिटर रेन्ज दिने नयाँ इलेक्ट्रिक स्कुटर लन्च, के–के छन् विशेषता ?

सिम्पल इनर्जीले आफ्नो जेन–२ इलेक्ट्रिक स्कूटर लन्च गरेको छ । तीन भेरियन्टमा उपलब्ध यस स्कुटले एकपटकको सिंगल चार्जमा ४०० किलोमिटरसम्म रेन्ज दिने दाबी गरिएको छ ।

उक्त रेन्ज ६.५ किलोवाट आवरको ब्याट्री प्याक भेरिएन्टबाट प्राप्त हुने आईडिसीले दाबी गरेको हो । स्कुरको मूल्य १ लाख ४९ हजार भारु निर्धारण गरिएको छ ।

११५ किलोमिटर प्रतिघन्टाको उच्च गतीमा हाँक्न सकिने यस स्कुटरले केवल २.७७ सेकेन्डमा ०–४० किलोमिटर प्रति घण्टाको गति लिन सक्छ । साथै, यसको ४.५ किलोवाट आवर क्षमताको ब्याट्री प्याक भेरिएन्टले २३६ किलोमिटर रेन्ज दिने दाबी गरिएको छ । स्कुटरमा ६.४ किलोवाट क्षमताको मोटर जडान गरिएको छ ।

त्यसैगरी, ५ किलोवाट आवर ब्याट्री प्याक भेरिएन्टले २६५ किलोमिटर रेन्ज दिने दाबी गरिएको छ । यसमा ८.८ किलोवाटको विद्युतीय मोटर प्रयोग गरिएको छ र यो ११५ किलोमिटर प्रति घन्टाको उच्च गतीमा गुड्न सक्छ ।

जेन २ मोडलमा कम्पनीले ७ इन्च टचस्क्रिनको साथ पुनः डिजाइन गरिएको ड्यासबोर्ड उपलब्ध गराएको छ, जसले फाइभ जी ई–सिम, ब्लुटुथ, नेभिगेसन र ओभर–द–एयर अपडेट मार्फत एलटिई कनेक्टिभिटीलाई सपोर्ट गर्दछ ।

यस स्कुटरमा ट्रयाक्सन कन्ट्रोल, क्रूज कन्ट्रोल, रिजेनेरिटिभ ब्रेकिङ, टायर प्रेसर मोनिटरिङ सिस्टम र पार्क असिस्ट जस्ता अत्याधुनिक फिचर दिइएको छ । साथै यसमा, चार्जिङ पोर्ट, १ लिटर ग्लोभ बक्स र ३५ लिटर क्षमताको अन्डर सिट स्टोरेज उपलब्ध छ ।