श्री अम्बा ग्रुप अब टायर व्यवसायमा पनि, कलंकी ढुंगेअड्डामा खोल्यो ‘मल्टि ब्रान्ड’ शोरुम

काठमाडौं– स्पेयर पार्ट्स व्यवसायमा स्थापित समुह श्री अम्बा ग्रुपले कलंकी ढुंगेअड्डामा बिभिन्न ब्रान्डका टायर बिक्री गर्न मल्टि ब्रान्ड शोरुम खोलेको छ । शनिबार एक कार्यक्रमविच ‘श्री अम्बा टायर हाउस’को औपचारिक उद्घाटन गरिएको हो । यो समुह विगत दुई दशकयता अटोमोबाइल कम्पोनेन्ट्सको व्यवसायमा सक्रिय रहँदै आएको छ ।

चन्द्रागिरी नगरपालिकाका मेयर घनश्याम गिरी र वडा नंं. १५ का अध्यक्ष घनश्याम लुइँटेल, श्री अम्बा ग्रुपका प्रवन्ध निर्देशक अरुण कुमार अग्रवाल लगायतले टायर हाउसको उद्घाटन गरेका हुन् ।

शोरुममा एमआरएफ, सिएट, म्याक्सिस, अपोलो, जेके, कन्टिनेन्टल, लिङलङजस्ता विश्वस्तरीय टायर ब्राण्डहरू उपलब्ध हुने जनाइएको छ । साथै, सोही ग्रुपले आयात गर्ने हेज, एरोस्टार, एक्सिस र एसएमटीजस्ता उच्च गुणस्तरका हेलमेटहरु पनि उपलब्ध गराइएको छ ।

ब्याट्रीका लागि जुनेक्स, मेसिमो र ग्लोब्याट जस्ता विश्वासिला ब्राण्डहरू पनि उपलब्ध गराइएको कम्पनीका प्रवन्ध निर्देशक अग्रवालले बताए । ढुंगेअड्डास्थि त्रिथुंगा कम्प्लेक्समा खोलिएको यस शोरुममा एलोई ह्विल, टायर फिटमेन्ट तथा नाइट्रोजन ग्यास भर्ने सुबिधा समेत उपलब्ध गराइएको छ ।