चांगन, सिएटिएल र हुवाएको संयुक्त साझेदारीमा वनेको नयाँ इलेक्ट्रिक कारको तस्विर वाहिरियो

चिनियाँ अटो निर्माता चांगनले निकट भविष्यमा लन्च हुन लागेको नयाँ इलेक्ट्रिक कार शेनलान एस७ को तस्विर वाहिर ल्याएको छ । यो नयाँ कारलाई चांगनले प्रख्यात व्याट्री निर्माता सिएटिएल र टेक्नोलोजी जायन्ट हुवाएसंगको संयुक्त साझेदारीमा निर्माण गरेको हो ।

यी तीन कम्पनीको साझेदारीमा यसअघि अवतार नामको छुट्टै प्रिमियम ब्रान्ड लन्च भइसकेको छ । शेनलानले हाल एसएल ०३ सेडान कार बिक्री गर्दै आइरहेको छ ।

सार्वजनिक भएको तस्विरमा यो एसयूभी एकदमै एरोडाइनामिक देखिएको छ । यसको लम्वाई ४७५०, चौडाई १९३०, उचाई १६२५ र ह्विलवेश २९०० एमएम रहेको छ । यो एसयूभी इभी र रेन्ज एक्सटेन्डेड इलेक्ट्रिक भेइकल(इआईभी) अप्सनमा उपलब्ध हुने कम्पनीले जनाएको छ ।

जसमध्ये इभीको पावर २१८ अर्थात २५८ एचपी रहने अनुमान गरिएको छ भने इआरइभीमा २३८ एचपीको इलेक्ट्रिक मोटर र १.५ लिटर ग्यासोलिन इन्जिन उपलब्ध हुने जनाइएको छ । यसको पावरट्रेन, फिचर र रेन्जका वारेमा विस्तृत जानकारी भने वाहिर ल्याइएको छैन ।