सेरेसको दोस्रो शोरुम ललितपुरको थसिखेलमा विस्तार

ललितपुर– नेपाली अटो बजारमा चर्चा कमाउँदै गरेको नयाँ ईभी ब्राँन्ड सेरेसले ललितपुरको थासिखेलमा आफ्नो दोस्रो अत्याधुनिक शोरुम विस्तार गरेको छ ।

सो ब्रान्डको नेपालका लागि आधिकारिक वितरक एमएडब्लू वृद्धि अटोकर्पले सिल्भर मुन मोटर्स प्रालिसँग साझेदारी गरेर नयाँ शोरुम सञ्चालनमा ल्याएको हो । कम्पनीले यसअघि पानीपोखरीमा पहिलो शोरुम खोलेको थियो ।

शोरुम उद्घाटन कार्यक्रममा एमएडब्लु ग्रुपका प्रबन्ध निर्देशक विष्णु अग्रवाल, सेरेसका कन्ट्री म्यानेजर फोर्ड हु, सिल्भर मुन मोटर्सका अध्यक्ष विष्णु भण्डारी र निर्देशक यशोदा लक्ष्मी आचार्य लगायतले उपस्थिती जनाएका थिए ।

नयाँ शोरुमले ब्रान्डको पहुँचलाई थप वृद्धि गर्ने तथा उत्साही र सम्भावित ग्राहकहरूलाई रोमाञ्चक सेरेस ईभीहरुको अन्वेषण गर्ने हबको रूपमा काम गर्ने विश्वास कम्पनीले लिएको छ ।

नेपालमा सेरेसको सेरेस ३ र सेरेस मिनी ईभी गरी दुईवटा मोडल उपलब्ध छन् । जसअन्तर्गत सेरेस ३ कम्फर्ट र प्रिमियम गरी दुई भेरियन्टमा उपलब्ध छ भने मिनी ईभी लो ट्रिम, मिड ट्रिम र टप ट्रिम गरी तीतवटा भेरिएन्टमा उपलब्ध छ ।

एमएडब्लु बृद्धि अटोकर्पले सेरेस ३ को मूल्य ४९ लाख ९९ हजार र ५२ ९९ हजार निर्धारण गरेको छ भने मिनी ईभीको मूल्य क्रमशः १३ लाख ९९ हजार, १६ लाख ४९ हजार र १७ लाख ९९ हजार निर्धारण गरेको छ ।