यस्तो छ नेपाल आउने तयारीमा रहेको सेरेस व्रान्डको नयाँ इलेक्ट्रिक एसयूभी

नेपाली अटो बजारमा नयाँ व्रान्डको इलेक्ट्रिक व्रान्ड सेरेस भित्रिने भएको छ । सेरेस व्रान्डलाई नेपाल ल्याउन एमएडव्लु ग्रुपले उत्पादक कम्पनीसंग सम्झौता समेत गरिसकेको छ । अवको केही महिनापछि यसको ई३ एसयूभी नेपाल आउने एमएडव्लु स्रोतले वताएको छ ।

४०५ किलोमिटर रेन्ज दिने दावी गरिएको यो मिड साइज एसयूभीमा ५३.६१ किलोवाट आवर क्षमताको व्याट्री जडान गरिएको छ भने यसको पिक पावर १०० किलोवाट रहेको छ । ६.६ किलोवाटको एसी चार्जरले ८ घण्टामा फुल चार्ज गर्न सकिने ई३ लाई डिसी फास्ट चार्जरको साहयतामा ३० मिनेट भित्र ८० प्रतिशतसम्म चार्ज गर्न सकिन्छ ।

यो इलेक्ट्रिक एसयूभीलाई १५५ किलोमिटर प्रति घन्टाको उच्च गतिमा हाँक्न सकिने जनाइएको छ । यसको ह्विलवेश २६५५ र ग्राउन्ड क्लिरियन्स १८० एमएम रहेको छ । ई३ मा १८ इन्चको आकर्षक अलोई ह्विल दिइएको छ ।

यसको इन्टेरियर निकै आकर्षक र आरामदायी रहेको वताइएको छ । यसको ड्यासवोर्डमा १०.२५ इन्चको फ्लोटिङ इन्फोटेन्मेन्ट सिस्टम, इलेक्ट्रोनिक पार्किङ बे्रक, वायरलेस चार्जर, अटोमेटिक क्लाइमेट कन्ट्रोल, ३६० डिग्री क्यामरा, हिटेड फ्रन्ट सिट, प्यानारोमिक सनरुफ, हिल असिस्ट, अटो होल्ड र ६ वटा एयरब्याग लगायत फिचर पाउन सकिन्छ ।

यो नयाँ एसयूभीले नेपाली बजारमा हुन्डाई कोना, विवाइडी एट्टो३ र एमजी जेडएस इभीसंग प्रतिस्पर्धा गर्ने आँकलन गरिएको छ । नेपाली बजारमा यो एसयूभी कति मूल्यमा आउँछ भन्ने विषयमा जानकारी पाउन केही समय कुर्नु पर्नेछ ।