सेल्सवेरी अफरको विजेता घोषणा : श्रेष्ठले पाए यामाहा फेसिनो १२५ स्कुटर

काठमाडौं – सेल्सवेरीले दशैं तिहारको अवसर पारेर यामाहासँगको सहकार्यमा ल्याएको एक महिने अफरको विजेता प्रजेशलाल श्रेष्ठ बनेका छन् ।

श्रेष्ठले यामाहा फेसिनो १२५ स्कुटर जितेका छन् । उक्त योजनाको भाग्यशाली विजेताकोे घोषणा सेल्सबेरीका सिओओ रमेश कार्की, गण्डकी प्रदेशका प्रबन्धक दयाल गिरी, यामाहाकी मार्केटिङ म्यानेजर बिबेचना श्रेष्ठ र ब्रान्ड अफिसर भारती आचार्यको उपस्थितिमा गरिएको थियो ।

सो अफर सेल्सबेरी डिपार्टमेन्ट स्टोर र सेलवेज पोखरामा संचालन गरिएको थियो । टीभी, फ्रिज, वाशिङ मेशिन वा ओभनको खरिदमा यामाहा फसिनो १२५ जित्ने अवसर भएको सो अभियानको बिजेता छनौट सेल्सबेरीको प्रधान कार्यालय, सातदोबाटोमा एक समारोहका बीच गरिएको कम्पनीले जानकारी दिएको छ ।