भुकम्प पिडितलाई आरएसके ट्रेड कन्सर्नको सहयोग

काठमाडौं– स्पेयर पार्ट्स ब्यवसायमा संलग्न कम्पनी आरएसके ट्रेड कन्सर्नले भुकम्प पिडितलाई सहयोग गरेको छ । कम्पनीले नाडामार्फत सहयोग रकम उपलब्ध गराएको हो ।

मंगलवार नाडा सचिवालयमा कम्पनीका संचालक शशिकान्त अग्रवालले २५ हजार ५०१ रुपैयाँको चेक हस्तान्तरण गरेका हुन् । नाडा सदस्य समेत रहेका उनले नाडा उपाध्यक्ष निराकार श्रेष्ठलाई स्पेयर पार्ट्स समितीका सभापति सुनिल रिजालको उपस्थितीमा सो सहयोग रकम हस्तान्तरण गरेका हुन् ।

गत शुक्रबार जाजरकोटलाई केन्द्रबिन्दु बनाएर आएको भुकम्प प्रभावित क्षेत्रमा राहत सामाग्री पठाउन नाडाले अटोमोबाइल ब्यवसायीमाझ आ–आफ्नो तर्फबाट सकेको सहयोग गर्न आह्वान गरेको थियो । सोही आह्वान अनुसार आफूले पनि सानो सहयोग गरेको अग्रवालले बताए ।

बिपदको यो समयमा सबैले आ–आफ्नो तर्फबाट सकेको सहयोग गर्नुपर्ने उनको भनाई छ ।