दमदार इन्जिनका साथ लन्च भयो रोयल इन्फिल्ड शटगन ६५०

रोयल इन्फिल्डले सटगन ६५० मोटरसाइकल भारतीय बजारमा ल्याएको छ । यो केही साताअघि मात्रै विश्व र अमेरिकी बजारमा ल्याइएको थियो । कम्पनीले शक्तिशाली इन्जिन भएको यो बाइक सार्वजनिक गरेको हो ।

रोयल इन्फिल्डकै अर्को बाइक सुपर मेटियरको प्लेटफर्ममा बनेको भए पनि यसमा फरक विशेषता रहेको छ । यो मोटरसाइकल कस्टम शेड, कस्टम प्रो र कस्टम स्पेशल भेरिएन्टमा लन्च गरिएको छ । यसको कस्टम शेडको सिटमेटल ग्रे पेन्ट स्किमका साथ उपलब्ध भेरिएन्टको मूल्य ३ लाख ५९ हजार भारु तोकिएको छ। त्यसैगरी अन्य भेरिएन्टको मूल्य ३ लाख ७३ हजार भारु सम्म छ ।

नयाँ लन्च गरिएको बाइकमा ६४८ सीसी प्यारालल एयरकुल्ड ट्विन सिलिन्डर इन्जिन दिइएको छ । यो इन्जिनले अधिकतम ४७ पीएस पावर र ५२.३ एनएम पिक टर्क जेनेरेट गर्छ। बाइकले प्रतिलिटर २२ किलोमिटर माइलेज दिन सक्ने दाबी गरिएको छ । यसमा स्लिपर र असिस्ट क्लचको साथ ६ स्पिड ट्रान्समिसन छ।

शटगन ६५० मा मा १८ इन्च फ्रन्ट र १७ इन्च रियल ह्विलहरू छन् । यसमा दिइएको ब्रेकहरू ड्युअल च्यानल एबीएसका साथ आउँछन्। बाइकमा फुल एलईडी लाइटिङ सिस्टम, ट्रिपर नेभिगेसन, यूएसबी चार्जिङ पोर्ट छ ।