रोयल इन्फिल्ड शटगन : ६५० सीसीमा रोयल इन्फिल्डको अर्को क्रुजर बाइक आउने

रोयल इन्फिल्डले भारतीय बजारमा ३५० सीसी देखि ६५० सीसीको नयाँ बाइक लन्च गर्ने तयारी अवस्थामा रहेको छ । कम्पनीले चाँडै नै न्यु जेनेरेसन क्लासिक ३५० लन्च गर्ने भएको छ । साथै नयाँ ३५० सीसी टुर बाइक पनि सार्वजनिक गर्नेछ । ३५० सीसी टुर बाइकको नाम रोयल इन्फिल्ड हन्टर ३५० राखिने अनुमान गरिएको छ । यसको साथै नयाँ ६५० सीसी क्रुजर बाइक पनि परीक्षण भइरहेको छ ।

हाल रोयल इन्फिल्डले दुई नयाँ ६५० सीसी क्रुजर बाइक परीक्षण गरिरहेको छ । पहिलो मोडल पुरानो मोडल जस्तो हुनेछ भने दोस्रो मोडल आधुनिक स्टाइलको हुनेछ जसमा स्पोर्टियर स्टान्सको साथमा मिड सेड फुटपेग हुनेछ ।

रोयल इन्फिल्डले हालै नयाँ बाइकको नाम रजिस्टर गराएको छ । ती नामहरु फ्लाइङ फ्ली, रोडस्टर, हन्टर र शेर्पा समावेश रहेको छ । यसको साथै रोयल इन्फिल्ड शटगन बाइक भारतमा रजिस्टर गराइएको छ । रिपोर्ट अनुसार नयाँ शटगन बाइक ६५० सीसी क्रुजर बाइक हुने अनुमान गरिएको छ । जसलाई परीक्षणको समयमा धेरैले देखेका थिए ।

रिपोर्टका अनुसार परीक्षण कालमा रहेको नयाँ बाइकमा गोलो हेडल्याम्प रहेको छ । साथै यसलाई हावाबाट बचाउनको लागि ठूलो भाइजर, पातलो इन्धन ट्यांक र अलोय ह्विल समावेश गरिएको छ ।

इन्टरसेप्टर ६५० को तुलनामा नयाँ बाइकको ह्वीलवेस लामो रहेको छ । यसमा स्प्लिट सिट, ट्वीन पाइप एक्जस्ट सिस्टम, राउन्ड टेलल्याम्प र टर्न इन्डिकेटर्स तथा चौडा रियर फेन्डर हुनेछ । सो बाइकमा फरवार्ड सेट फुट पेग्स र चौडा ह्यान्डलबार हुनेछ ।

रोयल इन्फिल्डको नयाँ ६५० सीसी क्रुजर बाइकमा ६४९ सीसीको ट्वीन सिलिन्डर इन्जिन समावेश गर्ने अनुमान गरिएको छ । सो इन्जिन कन्टिनेन्टल जीटी ६५० र इन्टरसेप्टर ६५० मा पनि समावेश गरिएको छ । सो इन्जिनले ४७ पीएसको पावर र ५२ एनएमको टर्क जेनेरेट गर्छ । सो इन्जिनको साथमा ६ स्पिड गियरबक्स समावेश गरिएको छ ।

रोयल इन्फिल्ड शटगनमा क्रुजर बाइकमा जस्तै १९ इन्चको फ्रन्ट ह्विल र १७ इन्चको रियर ह्विल समावेश गर्ने अनुमान गरिएको छ । सो बाइकको पछाडि अपसाइड डाउन फ्रन्ट फोर्क्स र पुरानो मोडलको ट्विन सक एब्जर्बर हुनेछ । ब्रेकिङको लागि सो बाइकमा डिस्क ब्रेक, ड्युअल च्यानल एबीएस सिस्टम र असिस्टको साथमा स्लिपर क्लच समावेश हुनेछ ।