चित्लाङ पुग्यो वान राइड : विभिन्न कार्यक्रम हुँदै

काठमाडौं – विश्वभर एकै दिन मनाइने रोयल इन्फिल्ड वान राइडका सहभागीहरु चित्लाङ पुगेका छन् । नेपालका लागि रोयल इन्फिल्डको आधिकारिक वितरक अल्फा अटोमोटिभको आयोजनामा भएको सो कार्यक्रमका सहभागीहरु चित्लाङ पुगेका छन् ।

विहान एक कार्यक्रमका बीच रोयल इन्फिल्ड वान राइडका सहभागीहरु कमलपोखरीस्थित सिटी सेन्टरबाट प्रस्थान गरेका हुन् ।

यो राइड चित्लाङ पुगेर बेलुका ६ बजे सिटी सेन्टरमा नै पुगेर समापन गरिने छ । यो राइड कार्यक्रममा सडक सुरक्षाका बारेमा जनचेतना जोगाउँदै, विभिन्न मनोरञ्जनात्मक खेल तथा संस्थागत सामाजिक उत्तरदायित्व (सीएसआर) का कार्यहरु समेत हुने अल्फा अटोमोटिभले जनाएको छ ।

सीएसआरको कार्यक्रम अनुरुप चित्लाङमा रहेको श्री कालीदेवी आधारभुत बिद्यालयका विधार्थीहरुलाई स्कुल ब्याग वितरण गरिने छ । सो कार्यमा चित्लाङका वार्ड अध्क्षयको र बिद्यालयको प्रधानाधापक समेतको संलग्नता रहने छ ।

वान राइडको पहिलो संस्करण २०११ मा आयोजना गरिएको थियो । बिश्वभरका सबै रोयल इनफिल्डका ग्राहकहरुलाई एकै ठाउँमा ल्याउने उद्देश्यले यो राइड आयोजना गर्न थालिएको हो । यसरी शुरु गरिएको राइड बिश्वमा दुईपांग्रे सवारीको सबैभन्दा ठुलो राइडमा गणना हुन थालेको छ । बार्षिक रुपमा रोयल इनफिल्डको समुदायमा सबभन्दा ठुलो कार्यक्रम मानिन्छ ।

अल्फा अटोमोटिभले भनेको छ, ‘बिश्वमा देखिएको वातावरिणय, पर्यावरण, मौसममा भएको परिबर्तनका कारणले जलचर, थलचरलाई प्रभावित भएको हुदाँ हामी पर्यावरण संरक्षण एवं दुर दराजसम्म पुगी सहयोग गर्ने उद्देश्य राखेका छौ । दुर्गम ठाउँमा पुगी वातावरण सफा गर्ने, हाम्रो वातावरणीय प्रभावलाई कम गर्न मद्दत गर्ने, र हरेक ठाउँलाई राम्रोसँग सँगै छोड्ने रहेको छ ।’