रोयल इन्फिल्डको नयाँ ६५० सीसी बाइक ‘बियर ६५०’ सार्वजनिक

रोयल इन्फिल्डले बजारमा उपलब्ध गराउने तयारी गरेको ६५० सीसीको नयाँ बाइक बियर ६५० सार्वजनिक भएको छ । कम्पनीले पहिले देखि नै उपलब्ध गराइरहेका ६५० सीसी प्लेटफर्ममा आधारित यो नयाँ स्क्र्याब्बलर बाइक हो । यो हाल उपलब्ध इन्टरसेप्टर ६५० मा आधारित छ । यसको आफ्नै पहिचान दिनका लागि केही महत्वपूर्ण परिवर्तन गरिएको छ ।

रोयल इन्फिल्ड बियर ६५० मा इन्टरसेप्टर ६५० कै च्यासिस प्रयोग गरिएको छ, तर फरक सस्पेन्सन र ह्विल साइज छ । यसको फ्रन्ट र रियर ह्विल पहिले १८, १८ इन्च भएकोमा अब १९ र १७ इन्च बनाइएको छ, जसले गर्दा स्क्र्याम्बलर मोटरसाइकलसँग मिल्छ । यसमा रोयल इन्फिल्ड सटगन बाइकमा प्रयोग गरिए जस्तै शोवा यूएसडी फोर्क्स प्रयोग गरिएको छ भने रियरमा नयाँ ड्युअल शक एब्जर्बर प्रयोग गरिएको छ ।

सस्पेन्सन ट्राभल पनि बढाइएको छ । इन्टरसेप्टरमा भएको ११०, ८८ एमएमलाई बढाएर यसमा १३० र ११५ एमएम बनाइएको छ । यसकारण यसको सिट हाइट बढेर ८३० एमएम पुगेको छ, जुन ६५० सीसी बाइकमा भएको सबैभन्दा अग्लो सिट हाइट बनेको छ ।

यो बाइकमा भएको स्पोक ह्विलमा एमआरएफको नाइलोरेक्स ब्लक प्याटर्न टायर पहिलो पटक प्रयोग गरिएको छ ।

फ्रन्ट डिस्क उही ३२० एमएमको छ भने रियर डिस्क २४० बाट २७० एमएम पु¥याइएको छ । यसमा ड्युअल च्यानल एबीएस, नयाँ फराकिलो ह्यान्डलबार र फरक खालको फुट पेग पोजिसन रहेको छ ।

बियर ६५० मा इन्टरसेप्टर ६५० कै जस्तो ६४८ सीसी प्यारालल ट्विन इन्जिन प्रयोग गरिएको छ । यद्यपि यसमा ड्युअल एक्जस्ट पाइपको सट्टा टु–इनटु वान सिस्टमको सिंगल एक्जस्ट उपलब्ध छ । यसकारण यसको टर्क उही आरपीएममा केही बढेर ५६.५ एनएम पुगेको छ भने पिक पावर भने उही ४७ एचपी छ ।

• इन्टरसेप्टरमा आधारित रोयल इन्फिल्डको ६५० सीसी प्लेटफर्ममा बनेको पाँचौ बाइक
• फरक ह्विल साइज र अझै लामो ट्राभल सस्पेन्सन
• ६५० सीसीका सबै बाइक मध्ये सबैभन्दा बढी टर्क

यो बाइकमा रोयल इन्फिल्डको उही परिचित राउन्ड एलईडी हेडल्याम्प छ भने नयाँ एलईडी इन्डिकेटर छ । स्क्र्याब्लर भाइब दिनका लागि यसको साइड प्यानलमा नम्बर बोर्ड छ भने ग्राउन्ड क्लियरेन्स पनि केही बढेर १८४ एमएम पुगेको छ ।

यसमा रोयल इन्फिल्ड गुरिल्ला र हिमालयनमा भए जस्तै नयाँ सर्कुलर टीएफटी डिस्प्ले रहेको छ र यसले गुगल म्याप सपोर्ट गर्छ भने यसलाई नयाँ स्विचगियरबाट कन्ट्रोल गर्न सकिन्छ ।

रोयल इन्फिल्ड बियर ६५० पाँच विभिन्न कलर अप्सनमा उपलब्ध हुनेछ । यसको मूल्य र अन्य विस्तृत जानकारी आगामी नोभेम्बर ५ मा सार्वजनिक हुने बताइएको छ ।