रोयल इन्फिल्डको एकैदिन नयाँ मोटरसाइकल लन्च र शोरुम उद्घाटन

काठमाडौं– रोयल इन्फिल्डको नेपालका लागि आधिकारिक वितरक अल्फा अटोमोटिभ्स प्रालिले एकैदिन नयाँ मोटरसाइकल हन्टर लन्च गर्नुको साथै टेकुमा नयाँ शोरुम संचालनमा ल्याएको छ । कम्पनीले मंगलबार नाडा अटो शोमा आफ्नो सवैभन्दा सस्तो मोटरसाइकल हन्टरलाई लन्च गर्नुको साथै सोहि दिन टेकुमा नयाँ शोरुम उद्घाटन गरेर संचालनमा ल्याएको हो । उपत्यकामा कम्पनीको यो तेस्रो शोरुम हो ।

यस्तो छ सस्तो मोटरसाइकल हन्टर

नेपालमै एसेम्वल गरिएको हन्टरलाई कम्पनीले रेट्रो र मेट्रो गरी दुईवटा भेरिएन्टमा लन्च गरेको हो । जसको मूल्य क्रमशः ४ लाख ५९ हजा र ४ लाख ७९ हजार रुपैयाँ तोकिएको छ । जुन रोयल इन्फिल्डको प्रोडक्ट पोर्टफोलियोमा सवैभन्दा सस्तो हो

रोयल इन्फिल्डको जे–प्लेटफर्ममा निर्माण गरिएको यो नयाँ बाइकमा ३४९ सीसी क्षमताको सिंगल–सिलिन्डर इन्जिन छ । यो इन्जिनले २०.२ एचपी पावरका साथ २७ एनएमको टर्क जनेरेट गर्ने सामाथ्र्य राख्छ ।

रोयल इन्फिल्डको लोकप्रिय मोडल क्लासिक ३५० भन्दा १७ किलो कम वजन भएको यसको ह्विलवेश पनि २० एमएम सानो छ । सिटको उचाइ ८०० एमएम, ह्यान्डल बार, ट्युबलेस टायर र डुअल च्यानल एविएस सहित दुवै चक्कामा डिस्क ब्रेक जस्ता फिचर यसमा पाउन सकिन्छ ।