आगामी शनिबार रोयल इन्फिल्ड हन्टर कार्निभल आयोजना हुने

काठमाडौं – रोयल इन्फिल्डको नेपालका लागि आधिकारिक वितरक अल्फा अटोमोटिभले आगामी शनिबार ‘हन्टर कार्निभल’ आयोजना गर्ने भएको छ ।

कम्पनीले हालै बजारमा ल्याएको हन्टर ३५० मोटरसाइकलको कार्निभल शंखमुलस्थित इजी वे ट्रायल सेन्टरमा हुनेछ । सो अवसरमा टेष्ट राइड, स्लो रेस कम्पिटिसन, रोयल इनफिल्ड गियर एण्ड जीएमए प्रर्दशनी, मोटर साइकल एक्सचेन्ज क्याम्प, हेरिटेज कर्नर, भिन्टेज तथा कस्टमाइज्ड मोटरसाइकल परेड, फुड स्टलहरु र म्युजिकल पर्फमेन्सलगायतका कार्यक्रमहरु हुनेछन् ।

रोयल इन्फिल्ड हन्टर ३५० एक रोडस्टर हो, जसको लुक निकै आकर्षक छ । सो बाइकमा गोलाकार हेडल्याम्प, फोर्क कभर गार्टर, मेट्रोका लागि दस–स्पोक अलोय ह्विल र रेट्रो भेरिएन्टका लागि वायर्ड–स्पोक ह्विल, सिंगल पिस सिट, एलईडी टेलल्याम्प र स्टबी एक्जस्ट उपलब्ध छ ।

रोयल इन्फिल्ड हन्टर ३५० मा ३४९ सीसी सिंगल सिलिन्डर एयर–आयल कुल्ड फ्युल इन्जेक्टेड इन्जिन जडान गरिएको छ, जसले ६१०० आरपीएममा २०.२ बीएचपी पावर र ४००० आरपीएममा २७ एनएमको टर्क जेनेरेट गर्छ । यो इन्जिन ५ स्पिड म्यानुअल गियरबक्ससँग जोडिएको छ र यसले ३६.२ किमी प्रति लिटरको माइलेज दिन्छ ।

बाइकको फ्रन्टमा डिस्क ब्रेक र रियरमा सिंगल वा ड्युअल च्यानल एबीएस भएको डिस्क/ड्रम समावेश छ । यसमा १७ इन्चको पाङ्ग्रा जडान गरिएको छ । हन्टर ३५० मा डिजिटल–एनालग इन्स्ट्रयुमेन्ट क्लस्टर र अप्सनल ट्रिपर नेभिगेसन पोड छ ।

रोयल इन्फिल्ड हन्टर ३५० मेट्रो र रेट्रो गरी दुई भेरिएन्टमा उपलब्ध छ । यसको मूल्य ४ लाख ५९ हजार देखि ४लाख ७९ हजार रुपैयाँ सम्म छ ।