रोयल इन्फिल्ड बुलेट ३५० लन्च, होन्डा र जावा बाइकलाई डर

रोयल इन्फिल्डले बहुप्रतीक्षित बुलेट ३५० भारतीय बजारमा लन्च गरेको छ । नयाँ पुस्ताको बुलेटमा ड्युल च्यानल एबीएस डिस्क ब्रेक जस्ता सेफ्टी फिचर दिइएको छ ।

नयाँ बुलेट ३५० जे–सिरिजको प्लेटफर्ममा बनेको छ, जस अन्तर्गत कम्पनीका क्लासिक ३५०, मेटियर र हन्टर जस्ता अन्य ३५० सीसी मोडलहरू समेत बजारमा उपलब्ध छन्। यो बाइकले होन्डा सीबी ३५० र जावा ४२ जस्ता बाइकसँग प्रतिस्पर्धा गर्नेछ ।

नयाँ पुस्ताको बुलेट ३५० लाई पुरानो लुक कायम राख्दै नयाँ ह्यालोजन हेडलाइट र टेललाइट दिइएको छ । यद्यपि बाइकमा केही परिवर्तनहरू देखिन्छन्। यसमा फ्रेम, इन्जिन, सिंगल पिस सिट डिजाइन, आयताकार साइड बक्स र नयाँ ह्यान्डलबार समावेश छन्। यसको पछाडिको फेन्डरलाई अलिकति छोटो पारिएको छ र अगाडिको फेन्डरलाई लम्ब्याएको छ। नयाँ बुलेटमा म्याट र ग्लास ब्ल्याक फ्युल ट्यांक, नयाँ कपर र गोल्ड कलरको थ्रीडी ब्याज, क्राउन इन्सिग्निया र कपर पिनस्ट्रिपिङ रहेको छ। अर्को प्रमुख अपडेट पिसुटर एक्जस्ट मफलर हो।

नयाँ पुस्ताको बुलेट ३५० मा ३४९ सीसी सिंगल सिलिन्डर, जे–सिरिजको एयर÷आयल–कुल्ड इन्जिन छ, जुन कम्पनीको क्लासिक ३५० र हन्टर ३५० मा पनि पाइन्छ। यो इन्जिनले अधिकतम २०.१७ एचपी पावर र २७ एनएमको अधिकतम टर्क जेनेरेट गर्छ। ट्रान्समिसनको कुरा गर्दा, इन्जिन ५ स्पीड म्यानुअल गियरबक्ससँग ट्युन गरिएको छ ।

बाइकमा आरामदायी सवारीको लागि अगाडि र ट्विन रियरमा ट्विन डाउनट्युब फ्रेम टेलिस्कोपिक फोर्कहरू छन्। बाइकमा अगाडि १९ इन्चको अगाडि र वपछाडि १८ इन्चको रियर वायर स्पोक ह्विल्स तथा ट्युबलेस टायर रहेको छ । यी टायर पुराना टायर भन्दा मोटो हुन्छन्।

ब्रेकिङ सिस्टमको बारेमा कुरा गर्दा, मिड र टप भेरिएन्टहरूमा ड्युअल च्यानल एबीएसको साथ ३०० एमएमको फ्रन्ट र २७० एमएमको रियर डिस्क ब्रेकहरू छन्। बेस भेरिएन्टमा सिंगल च्यानल एबीएसको साथ पछाडि ड्रम ब्रेक छ।

नयाँ पुस्ताको बुलेटले यूएसबी चार्जिङ पोर्ट, एनालग स्पीडोमिटर, फ्युल गेज र सर्भिस रिमाइन्डरसहितको नयाँ डिजिटल इन्स्ट्रयुमेन्ट क्लस्टर प्राप्त गरेको छ। अन्य मोडलहरू जस्तै, रोयल इन्फिल्डको नयाँ बुलेटमा सबै एसेसरिज र कस्टमाइजेसन अप्सन उपलब्ध हुने बताइएको छ ।

यो बाइकको शुरुवाती मूल्य १ लाख ७३ हजार र टप भेरिएन्टको मूल्य २ लाख १५ हजार भारु तोकिएको छ । यसको बुकिङ भारतमा प्रारम्भ भएको छ र सेप्टेम्बर ३ देखि नै डेलिभरी प्रारम्भ हुनेछ ।

नेपालमा हाल अल्फा अटोमोटिभले रोयल इन्फिल्डका बाइक बिक्री–वितरण गरिरहेको छ । पछिल्लो समयमा रोयल इन्फिल्डका बाइक नेपालमै एसेम्बल हुन थालेका छन् ।भविष्यमा यो बाइक पनि नेपालमै एसेम्बल हुने अनुमान गर्न सकिन्छ ।

रोयल इन्फिल्डको यो बाइकले होन्डा सीबी ३५० र जावा ४२ सँग प्रतिस्पर्धा गर्नेछ ।