नेपाल रोड रेसिङ च्याम्पियनसिप २०२४ राउन्ड ३ मा यी राइडर भए विजयी

पोखरा – गत आइतबार पोखरा रंगशालामा नेपाल रोड रेसिङ च्याम्पियनसिप २०२४ राउन्ड ३ सम्पन्न भएको छ ।

नेशनल क्याटोगरीमा श्रीहरी पौडेल प्रथम, रितेश खत्री द्वितीय र दिलिप दनुवार तृतीय भए ।सबैमा गरी कुल ५० राइडरले भाग लिएका थिए ।

त्यस्तै नेभिसमा बिबेक पाण्डे पहिलो, दिपेश बलामी दोस्रो र रुमु ह्याङ राई तेस्रो भए ।

पहिलो हुनेलाई ५० हजार, दोस्रो हुनेलाई ४० हजार र तेस्रो हुनेलाई ३० हजार नगद पुरस्कार, ट्रफी, मेडल र प्रमाणपत्र प्रदान गरिएको थियो ।

यो भन्दा पहिले शनिबार सम्पन्न प्रथम गभर्नर्स कप सुपरमोटो बाइक रेसिङ प्रतियोगितामा काठमाडौंका सुरज घिमिरेले पहिलो स्थान हासिल गरे । काभ्रेका आशुतोष ध्वजु दोस्रो र भक्तपुरका दिलीप दनवार तृतीय भए । उनीहरुले क्रमशः ५० हजार, २५ हजार र १५ हजार नगद पुरस्कार पाएका थिए ।

विजयीलाई लायन्स इन्टरनेसनल डिस्ट्रिक्ट ३२५ जे नेपालका डिस्ट्रिक्ट गभर्नर लायन मिलन थापा र पिडिजी तथा मल्टिपल कन्भेन्सन चियरपर्सन लायन ध्रुब धापा लगायतले पुरस्कार वितरण गरे ।

रोड रेसिङ च्याम्पियनसिप अन्तर्गत यस अघि दुई वटा सिरिज सम्पन्न भइसकेका छन् । पोखरामा भएको यो तेस्रो सिरिज हो । आगामी दिनमा समेत यस्तो कार्यक्रम आयोजना गर्दै जाने नेपाल रोड रेसिङ च्याम्पियनसिपको आयोजक मोटर स्पोर्ट्स नेपाल क्लबका अध्यक्ष सर्जल वैद्यले बताए ।

सो च्याम्पियनसिपको पर्फमेन्स पार्टनर शेल लुब्रिकेन्ट रहेको थियो । यस वाहेक भिडोल, गल्फ, पेट्रोनस र क्यास्ट्रोल लुब्रिकेन्ट समेत पार्टनर रहेका थिए । त्यसैगरी सेफ्टी ई–बाइक पार्टनर ग्यारो इलेक्ट्रिक स्कुटर र इक्विपमेन्ट पार्टनर हिट्को रहेका थिए ।