१५० किलोमिटर रेन्ज दिने रिभोल्टको नयाँ मोटरसाइकल लन्च

रिभोल्ट मोटर्सले आरभी ४०० को नयाँ भेरिएन्ट आरभी४०० बीआरजेड इलेक्ट्रिक मोटरसाइकल लन्च गरेको छ । सो मोटरसाइकलको मूल्य १ लाख ३८ हजार भारु निर्धारण गरिएको हो । सो नयाँ मोटरसााइकलमा हेक्सागोनल एलईडी हेडल्याम्प, डिजिटल इन्स्ट्रुमेन्ट कन्सोल, डुअल टोन बडीवर्क र सिंगल–पीस सिट दिइएको छ ।

कम्पनीले यसमा ३.२४ किलोवाट आवरको ब्याट्री प्याक जडान गरेको छ भने यसले सिंगल चार्जमा १५० किलोमिटर रेन्ज दिने दावी गरिएको छ । यसमा इको, नर्मल र स्पोर्ट गरी तीनवटा सवारी मोड छन् ।

नर्मल र स्पोर्ट मोडमा अधिकतम रेन्ज क्रमशः १०० किमी र ८० किमी छ । कम्पनीका अनुसार ब्याट्री ३ घण्टामा ० देखि ७५ प्रतिशतसम्म चार्ज गर्न सकिन्छ भने फुल चार्ज गर्न ४ घण्टा ३० मिनेट लाग्नेछ ।

यसमा अपसाइड–डाउन फोर्क र पछाडि मोनोशक लगाइएको छ । आकर्षक एलोई ह्विल दिइएको बाइकको दुवै चक्कामा डिस्क ब्रेक पाउन सकिन्छ ।