नयाँ इलेक्ट्रिक कार ल्याउँदै रेनो, अर्को वर्ष सार्वजनिक हुने

फ्रेन्च अटो निर्माता रेनोले निकट भविष्यमा ल्याउने तयारी गरिरहको नयाँ इभी रेनो५ वारे केही जानकारी वाहिर ल्याएको छ । अर्को वर्ष सार्वजनिक हुने अनुमान लगाइएको यो नयाँ इभीलाई कम्पनीले सिएमएफ–वी इभी प्लेटफर्मममा तयार पार्न लागेको हो । जुन यो प्लेटफर्मममा उत्पादन हुने रेनोको पहिलो ईभी हुनेछ ।

क्लासिक रेनो५ ह्याचव्याकमा आधुनिक डिजाइन दिएर तयार पार्न लागिएको यो कार वक्सी सेपसहित रेट्रो लुक्समा आउनेछ । जसमा गोलाकार हेडलाईट उपलब्ध हुनेछ । नयाँ कारमा कुन साइजको व्याट्री जडान हुनेछ र यसले कती किलोमिटर रेन्ज दिनेछ भन्ने विषयका कुनै जानकारी दिएको छैन । यसैगरी कारको अनुमानित मूल्यका विषयमा समेत कम्पनी मौन रहेको छ ।

यूरोपेली बजारलाई लक्षित गरी ल्याउन लागिएको कारमा १३० किलोवाट क्षमताको मोटर जडान हुने अनुमान गरिएको छ । डिसी फास्ट चार्जरको साहयतामा यसको व्याट्रीलाई ३० मिनेटभित्र ८० प्रतिशतसम्म चार्ज गर्न सकिने जनाइएको छ ।