अनिल अम्बानीको रिलायन्स इन्फ्राले भारतमा विद्युतीय कार बनाउने

रिलायन्स इन्फ्रास्ट्रक्चरले ईभी र ब्याट्री निर्माण व्यवसायमा प्रवेश गर्ने योजना बनाएको छ । कम्पनीले आफ्ना योजनाहरूमा सल्लाह दिन बीवाईडीका पूर्व कार्यकारी सञ्जय गोपाल कृष्णनलाई जोडेको बताइएको छ ।

अनिल अम्बानीको नेतृत्वमा रहेको कम्पनीले वार्षिक २ लाख ५० हजार युनिटको प्रारम्भिक क्षमताको ईभी उत्पादन प्लान्ट स्थापना गर्नको लागि लागत सम्भाव्यता अध्ययन गर्न सल्लाहकारहरू नियुक्त गरेको मिडिया रिपोर्टमा उल्लेख गरिएको छ । जसलाई बढाएर ७ लाख ५० हजार यूनिटसम्म पु¥याउन सकिने जनाइएको छ ।

कम्पनीले ब्याट्री उत्पादन प्लान्ट स्थापना गर्ने विषयमा पनि मूल्याङ्कन गरिरहेको छ । रिपोर्टमा अनिल अम्बानीको रिलायन्स इन्फ्राले केही महिनाभित्र आफ्नो योजनालाई अन्तिम रूप दिनका लागि चिनियाँ कम्पनीसंग साझेदारहरू खोजिरहेको छ । यसबारे कम्पनीले भने कुनै आधिकारिक भनाई बाहिर ल्याएको छैन ।