एक्सयूभी ‘थ्रीएक्सओ’ ले बनायो वुकिङमा नयाँ रेकर्ड, १ घण्टामै ५० हजार यूनिट वुक

काठमाडौं–महिन्द्रा एक्सयुभी ३०० को फेसलिफ्ट भर्सन थ्रीएक्सओले भारतको अटोमोबाइल इतिहाँसमा नयाँ रेकर्ड कायम गरेको छ । उक्त सब फोर मिटर एसयुभीले १ घण्टाभित्र ५० हजार बुकिङ पाएको इतिहास कायम गरेको हो । दुईदिन अघि बुकिङ खुला गरिएको एक्सयूभी थ्रीएक्सओलाई १० मिनेटमै २७ हजार ग्राहकले बुक गरेका थिए ।

नयाँ लुक्स र डिजाइनका साथ नाम नै परिवर्तन भएर आएको सो एसयूभीलाई मन पराउनुको पछाडी यसको स्ट्रइकिङ डिजाइन, लक्जरियस इन्टेरियर र एड्भान्स टेक्नोलोजी प्रमुख कारण मानिएको छ । महिनामा ९ हजार यूनिटमात्र उत्पादन हुनसक्ने कारण यो कार हात पार्न ग्राहकले निकै लामो समय कुर्नुपर्ने देखिन्छ ।

यसमा सेग्मेन्टमै ठूलो पानारोमिक सन रुफ दिन लागिएको छ भने वायरलेस स्मार्टफोन कनेक्टिभिटी सहितको १०.२५ इन्चको टचस्क्रिन इन्फोटेन्मेन्ट सिस्टम उपलब्ध छ ।

साथै यसमा १०.२५ इन्चकै डिजिटल इन्स्ट्रयुमेन्ट क्लस्टर, डुअल जोन क्लाइमेट कन्ट्रोल, रियस एसी भेन्ट, टाइप–सी यूएसपी पोर्ट र ७ वटा स्पिकर सहित अपग्रेड गरिएको हर्मन कार्डोन म्यूजिक सिस्टम जस्ता सेग्मेन्टमै पहिलो फिचर दिइएको छ । सेफ्टि फिचर अन्तर्गत यसमा ७ वटा एयरब्याग, ३६० डिग्री क्यामेरा र लेभल–२ एडिएएस फिचर सामेल छ ।

एक्सयुभी ३०० को रेगुलर भर्सनमा जस्तै यसमा पनि १.२ लिटर टर्बो पेट्रोल र १.५ लिटर डिजेल इन्जिनको विकल्प पाइनेछ । उक्त एसयुभीले बजारमा हुन्डाई भेन्यू, किया सोनेट, मारुती ब्रेजा, टाटा नेक्सन र निसान म्याग्नाइट लगायतसंग प्रतिस्पर्धा गर्नेछ । कारको सुरुवाती मूल्य ७ लाख ४९ हजार भारु तोकिएको छ ।