रोयल इन्फिल्ड हिमालयन ४५० मा हुनेछन् यी नयाँ विशेषता

रोयल इन्फिल्डले छिट्टै लन्च गर्ने तयारी थालेको हिमालयन ४५० अहिले अफरोड मोटरसाइकल पारखीमाझ चासोको विषय वनिरहेको छ । सो नयाँ मोटरसाइकलमा कम्पनीले पहिलोपटक लिक्विड कुल्ड इन्जिन दिएको छ । यसमा जडान भएकोे ४५२ सिसी क्षमताको सिंगल सिलिन्डर इन्जिनले ४० बीएचपी पावर र ४० एनम नै टर्क जेनेरेट गर्दछ ।

साथै सोही नयाँ मोटरसाइकल मार्फत कम्पनीले पहिलो पटक सिंगल सिलिन्डर इन्जिनमा ६ स्पिड गियरवक्स दिएको छ । सो ब्रान्डको सिंगल सिलिन्डरमा यसअघि ५ स्पिड गियरवक्स मात्र उपलब्ध रहेको थियो । ६ स्पिड गियरवक्स जडान भएपछि यसलाई उच्च गतिमा हाँक्न सकिन्छ ।

सिंगल सिलिन्डरमा पहिलोपटक कम्पनीले हिमालयन ४५० मार्फत नै यूएसडी फ्रन्ट पर्क दिएको छ । यसअघि रोयल इन्फिल्डले सुपर मेटियर ६५० मा मात्र यूएसडी फ्रन्ट फर्क दिएको थियो ।

सो नयाँ मोटरसाइकलमा कम्पनीले नयाँ गोलकार टिएफटी इन्स्ट्रयूमेन्ट स्क्रिन दिएको छ । रोयल इन्फिल्डको यसअघिका मोटराइकलमा ट्रिपर डिस्प्ले उपलब्ध रहँदै आएको थियो । सो नयाँ स्क्रिनले गुगल म्याप, म्यूजिक कन्ट्रोल, टेलिफोन कन्ट्रोल, कम्पास लगायत अन्य कनेक्टेड टेक्नोलोजिलाई सपोर्ट गर्दछ ।

रोयल इन्फिल्डको लाइनअपमा हिमायलयन ४५२ मात्र एक यस्तो मोटरसाइकल हुनेछ, जसमा पूर्णत एलईडी लाइट जडान गरिनेछ । यसको हेडलाइट यूनिट सुपर मेटियर ६५० को जस्तै छ । साथै यसमा एड्भेन्चर टुरका लागी भनेर छुट्टै लाइट समेत उपलब्ध हुने अनुमान गरिएको छ ।

एक अब्बल अफरोड मेसिनका रुपमा आउन लागेको सो नयाँ मोटरसाइकलको अगाडी २१ इन्च र पछाडी १७ इन्चको वायर–स्पोक ह्विल पाउन सकिन्छ । यसको दुवै चक्कामा सिएट ब्रान्डको डुअल–प्रापोज ट्यूव टायर जाडन गरिएको छ । साथै यसमा लङ ट्राभल सस्पेन्सन, स्विचवेल एविएस, अपस्वेप्ट एक्जस्ट र अफरोड पेग लगायत फिचर दिइएको छ ।