जेके टायरले ल्यायो हावा ननिस्कने पन्चर गार्ड टायर, के हो पन्चर गार्ड ?

जेके टायरले चार पाङ्ग्रे सवारीका लागि पन्चर गार्ड टायर लन्च गरेको छ । जेके टायरले बजारमा उपलब्ध नयाँ पुस्ताका कारहरूका लागि पन्चर गार्ड टायर सहित उद्योगमा क्रान्तिकारी परिवर्तन गर्ने लक्ष्य राखेको बताएको छ ।

पन्चर गार्ड टायर विशेष रूपले तयार गरिएको सेल्फ–हिलिङ इलास्टोमर इनर कोटको साथ उपलब्ध हुन्छ । यस प्रविधिको सहायताले टायरले ६ मिलिमिटर व्याससम्मको धारिलो वस्तुबाट हुने पन्चरलाई मर्मत गर्न सक्छ । यसले एकै पटकमा धेरै पन्चरहरू मर्मत गर्न सक्छ ।

कम्पनीले यसको सुरक्षित सवारी सुनिश्चित गर्नका लागि अन–रोड र अफ–रोडमा पन्चर गार्ड टायरको परीक्षण गरेको थियो । जेके टायर एन्ड इन्डस्ट्रिज लिमिटेड विश्वको शीर्ष २५ उत्पादक मध्ये एक हो ।

रेडियल टेक्नोलोजीमा अग्रणी कम्पनीले १९७७ मा पहिलो रेडियल टायर उत्पादन गरेको थियो । कम्पनीले यात्रुवाहक सवारी, व्यावसायिक सवारी, कृषि, अफ–रोड सवारी, दुई र तीन पाङ्ग्रे सवारी साधनका लागि टायर उत्पादन गर्छ ।

जेके टायर १०५ भन्दा बढी देशमा उपलब्ध छ । कम्पनीसँग विश्वव्यापी रूपमा १२ बेन्चमार्क उत्पादन सुविधाहरू छन्, जसमा ९ भारतमा र ३ मेक्सिकोमा छ । कम्पनीले सामूहिक रूपमा वार्षिक करिब ३ करोड ५० लाख टायर उत्पादन गर्छ ।

जेके टायरले भारतको पहिलो स्मार्ट टायर प्रविधिको लन्च गरेको थियो र टायर प्रेसर मोनिटरिङ सिस्टम सार्वजनिक गरेको थियो । यसले चाप र तापक्रम लगायत टायरको महत्वपूर्ण डाटा निगरानी गर्छ । कम्पनीले हालै २ करोड ट्रक÷बस रेडियल टायरको उत्पादन गरेको थियो ।

जेके टायर सन् २०१९ मा लगातार सातौं वर्ष सुपर ब्रान्ड इन्डियाको सूचीमा समावेश हुने एक मात्र भारतीय टायर निर्माता हो ।