बजाज पल्सर थप दुई मोडलमा आउन सक्ने

बजाज अटोले पल्सर एलान र पल्सर एलेगान्जा २ नयाँ बाइकको नाम दर्ताका लागि आवेदन दिएको छ । यद्यपि, कम्पनीले यी नामहरू नयाँ मोडलका लागि हुन् वा पुरानै मोडेलको नयाँ भर्सनको लागि दर्ता गरिएको हो भन्ने बारे कुनै आधिकारिक जानकारी सार्वजनिक गरेको छैन ।

यसअघि कम्पनीले ‘ट्विनर’ नाम पनि दर्ता गरेको थियो । सो नाम यसको मिड क्यापेसिटी भएको ट्विन–सिलिन्डर बाइकको लागि दर्ता गरिएको थियो, जुन पछि गलत सावित भयो । बजाज अटोले अक्टोबर २०२१ मा नयाँ पल्सर २५० ट्विन्स लन्च गर्ने घोषणा गरेको थियो र पछि दुई बाइक २५०एफ र २५०एन बजारमा ल्यायो ।

यद्यपि, नयाँ नाम दर्ता गर्दा नयाँ मोडल लन्चको ग्यारेन्टी हुँदैन । यदि यो लन्च ग¥यो भने नयाँ पल्सर बाइक या त फ्ल्यागशिप पल्सर २५० ट्विन्स जस्तै राखिनेछ वा यो केटीएम ४९०एस को लागि ट्विन सिलिन्डर प्लेटफर्ममा आधारित र डिस्प्लेसमेन्ट भएको पावरफुल मोडल हुनेछ ।

बजाज अटोलाई अन्तर्राष्ट्रिय बजारमा आफ्ना व्यापार बढाउनका लागि थप उच्च डिस्प्लेसमेन्ट, प्रिमियम मोडलको आवश्यकता छ जसले पल्सर–निर्मातालाई मध्य–डिस्प्लेसमेन्ट सेगमेन्टमा आफ्नो पकड बलियो बनाउन मद्दत गर्न सक्छ ।

कम्पनीले अर्काे नयाँ इलेक्ट्रिक स्कुटर पनि लन्च गर्ने तयारी गरिरहेको छ । जसलाई हालको चेतक ईभीसँगै बिक्री गर्ने सम्भावना छ । नयाँ इलेक्ट्रिक २ पाङ्ग्रे सवारी साधन केही महिना अघि चेतक ईभीसँग परीक्षण गर्दा देखिएको थियो ।