पुराना गाडीसँग प्रोटोन सागा र एक्स७० साट्न सकिने, विभिन्न अफर उपलब्ध

काठमाडौं – प्रोटोन गाडीको नेपालका लागि आधिकारिक वितरक जगदम्बा मोटर्सले पुराना कुनै पनि ब्रान्डका गाडीसँग प्रोटोन सागा र एक्स७० साट्न सकिने अफर ल्याएको छ ।

प्रोटोन एक्सचेन्ज बोनसको वर्षा नाम दिइएको सो अफर अन्तर्गत एक्सचेन्ज बोनसको रुपमा ५० हजार देखि ३ लाख रुपैयाँ सम्म प्रदान गरिने बताइएको छ । त्यसैगरी ८.४९ प्रतिशत ब्याजदरमा ७ वर्ष सम्मका लागि वा निश्चित ब्याजदरमा ७ वर्षका लागि अटो लोन उपलब्ध हुनेछ ।

नेपाली बजारमा सबैभन्दा पहिले प्रोटोन सागा र त्यसपछि प्रोटोन एक्स७० गाडी भित्रिएको हो । प्रोटोन सागाको मूल्य ३७ लाख ९९ हजार र एक्स७० को मूल्य ८६ लाख ९९ हजार रुपैयाँ देखि प्रारम्भ हुन्छ ।

प्रोटोनका गाडीहरुमा ५ वर्ष वा १ लाख ५० हजार किलोमिटर गुड्दा सम्म वारेन्टी उपलब्ध हुने जगदम्बा मोटर्सले जनाएको छ ।

नेपाली बजारमा उपलब्ध प्रोटोन मलेसियन कम्पनी हो ।