नेपाल आउने एमजी एस्टरको मूल्य सार्वजनिक

काठमाडौं – नेपाल भित्रिने तयारीमा रहेको एमजीको नयाँ एसयूभी एस्टरको मूल्य सार्वजनिक भएको छ । एमजीको नेपालका लागि आधिकारिक वितरक पारामाउन्ट मोटर्सले सो एसयूभीको मूल्य ४८ लाख ४९ हजार रुपैयाँ तोकेको छ ।

एमजीले केही दिन पहिले सार्वजनिक गरेको ९९ किलोवाट क्षमताको इलेक्ट्रिक कार जेडएस ईभीको मूल्य पनि ४८ लाख ४९ हजार रुपैयाँ नै थियो । जेडएस ईभी नेपाल आउने घोषणा भइसकेको छ भने एस्टरको वारेमा भने कम्पनीले अझै औपचारिक रुपमा जानकारी दिएको छैन ।

आधुनिक डिजाइनमा तयार पारिएको एस्टर हाई–टेक फिचरका कारण लोकिप्रय वनिरहेको छ । यो एसयूभीमा एमजीले आर्टिफिसियल इन्टेलिजेन्स र स्मार्ट कनेक्टिभिटी फिचर दिएको छ । १.५ लिटर पेट्रोल इन्जिन जडित एस्टको पावर ११० पिएस र टर्क १४४ एनएम छ । यसमा ५ स्पिड म्यानुल र सीभीटी ट्रान्समिसनको विकल्प पाउन सकिन्छ । एस्टरलाई १६५ किलोमिटर प्रतिघन्टाको उच्च गतीमा हाँक्न सकिने कम्पनीको दावी छ । साथै यसको ग्राउन्ड क्लिरियन्स २०५ एमएम रहेको छ ।

फिचरको कुरा गर्नुपर्दा यसमा एलइडी डिआरएल सहितको एलइडी हेडल्याम्प, एलइडी टेल ल्याम्प, निकै नै आकर्षक र वोल्ड लुक्स भएको ग्रिल, १७.८ सेन्टिमिटरको एलसीडी क्लस्टर, २५.७ सेन्टिमिटरको एचडी टचस्क्रिन इन्फोटेन्मेन्ट सिस्टम, पानारोमिक सनरुफ र अटोमेटिक एसी लगायत पाउन सकिन्छ ।

क्र्यास टेष्टमा ५ स्टार रेटिङ पाएको एस्टर सुरक्षाको मामलमा समेत निकै मजवुत रहेको छ । सेफ्टि फिचर अन्तर्गत यसमा ६ वटा एयरव्याग, एविएस, इविडी, व्रेक एसिस्ट, हिल कन्ट्रोल, ट्रयाक्सन कन्ट्रोल, १४ प्रकारका अटोनोमस फिचर सामेल अटोनोमस ड्राइभिङ लेभल २ र ३६० डिग्री क्यामेरा दिइएको छ ।

एस्टरको प्रतिस्पर्धी मोडलका रुपमा हुन्डाई क्रेटा, किया सेल्टोस, फक्सवागन टाइगुन र स्कोडा कुशाक रहेका छन् ।