पटक पटक बढेको बजाज बाइकको मूल्य नयाँ वर्ष पश्चात फेरि बढ्यो

काठमाडौं – २०७७ सालमा पटक पटक बढेको बजाज बाइकको मूल्य नयाँ वर्ष २०७८ पश्चात फेरि बढेको छ । नेपालका लागि बजाज बाइकको आधिकारिक वितरक हंसराज हुलासचन्द एन्ड कम्पनीले बजाजका बाइकको मूल्यमा ४ हजार रुपैयाँ सम्मले वृद्धि गरेको छ ।

सबैभन्दा थोरै अर्थात १ हजार रुपैयाँ डिस्कभर ड्रम भेरिएन्टमा बढाइएको छ । त्यसैगरी प्लाटिना, पल्सर एनएस २०० एबीएस, पल्सर १५० टीडी, पल्सर १५०, पल्सर एनएस १६०, पल्सर २२० एफ, डिस्कभर डिस्क, डिस्कभर एसटी, एभेन्जर २२० र एभेन्जर स्ट्रिट १६० मा ३ हजार रुपैयाँको दरले मूल्य वृद्धि गरिएको छ ।

त्यसैगरी पल्सर एनएस २०० एफआई–एबीएस, पल्सर १२५, डोमिनार २५० र डोमिनार ४०० को मूल्य ४ हजार रुपैयाँको दरले बढाइएको छ ।

नेपाली बजारमा उपलब्ध बजाज बाइक र तिनको मूल्य सूची यहाँ हेर्न सकिन्छ ।